PM:10:04:22/04/2022
1088 جار خوێندراوەتەوە
+
-
وەزیرێ ساخلەمیا سعودیا
ڕاگەهاند، ڕەوشا ساخلەمیا هەمی عومرەکاران سەلامەتە و تا نها چ نەخۆشی د ناڤ واندا
نینە و تیمێن وان بەردەوامن ژ چاڤدێریکرنا ساخلەمیا عومرەکاران.
فەهەد عەبدورەحمان ئەلجەلال
وەزیرێ ساخلەمیا سعودیا ڕاگەهاندنەک بەلاڤکر و دناڤدا ئاماژە ب وێیەکی دا، تیمێن
وان ل هەردوو باژێڕێن مەککەهێ و مەدینێ ب تەمامی بزاڤکرینە بۆ پاراستنا ساخلەمیا عومرەکاران
و تا نهاژی چ نەخۆشی یان ڤایرۆس کو ببنە سەدەمێ گەفێ بۆ سەر ڕەوشا وان نەهاتینە تۆمارکرن.
بەحسا وێیەکێ ژی کر، وەزارەتا
ساخلەمیێ چەند نەخۆشخانە و تڕۆمبێلێن هەوارهاتنێ بۆ خزمەتکرنا ساخلەمیا عومرەکاران
تەرخانکرینە و بەردەوامن ژ پاقژکرنا بلەزا هەمی وان دەڤەرێن کو عومرەکار بۆ دچن.
فەهەد بن عەبدورەحمان
ئەلجەلال ئاشکەرا ژی کر، د ئەڤسالەدا، زێدەتر ژ ١٨ هزار کارمەندێن هێزێن پاراستن و
ساخلەمیێ پشکداریێ دکەن د پاراستنا ژیانا عومرەکاران و تا نها ٧ هزار و ٢٠٠ عومرەکار
ل نەخۆشخانەیێن سعودیا چارەسەری بۆ هاتیە کرن.
ئەڤە ژی پشتی وێیەکی
دهێت ب مەرەما ئاسانکاریێ بۆ عومرەکاران د ئەڤسالەدا وەزارەتا ساخلەمیا سعودیا ڕاگەهاند،
زۆربەیا ڕێکارێن خۆپاراستنێ دژی کۆرنایێ هەڵگرتینە.