بریکاری وەزارەتی تەندروستی هەرێم رایگەیاند، ئەوان پێشتر نوسراویان کردووە بۆ ئەنجومەنی وەزیران بۆ ئەوەی پارەی نەختینەی دەرمان پێش موچە بدرێت، چونکە گرنگییەکی زۆری هەیە و پێویستە بە خێرایی پارەی پێویستی بۆ تەرخان بکرێت.
ئەمڕۆ یەکشەممە، رەهێڵ فەرەیدون بریکاری وەزارەتی تەندروستی حکومەتی هەرێم لە کۆنفڕانسێکی رۆژنامەنوسیدا رایگەیاند، بابەتی کەمی دەرمان لە نەخۆشخانەکانی هەرێمی کوردستان و سنوری ئیدارەی سلێمانی لە ترۆپکدایە و پێویستی بە چارەسەری خێرا هەیە.
رەهێل فەریدوون لە وەڵامی ئەو
پرسیارەی پەیامنێری ئێن ئاڕتی سەبارەت بە کەمی دەرمان لە نەخۆشخانەکان دەگات بە کوێ
و هەوڵە جدییەکان چین بۆ چارەسەرکردنی کێشەکە
چین؟ ئاماژەی بەوەدا، پێشتر لە بانکەکانی سلێمانی پارەی باش خەرجکراوە بۆ دەرمان و
لە دهۆک و هەولێر وا نەبووە، بۆ نموونە لە
سلێمانی ٢٠٪ خەرجکراوە و لە دهۆک و هەولێر ١٪ یان ٢٪ بووە.
دەشڵێت، "لە ئێستادا لە سلێمانی پارەی نەختی لە بانکەکاندا نیە و هەر
ئەوەشە بووەتە هۆکار بۆ دروستبوونی گرفت."
بریکاری وەزارەتی تەندروستی
حکومەتی هەرێم باسی لەوەشکرد، ئەوان نووسراویان بۆ ئەنجومەنی وەزیران بەرزکردووەتەوە
و داوایانکردووە پارە دابین بکرێت و دەرمان بەردەست بێت لە نەخۆشخانەکان بۆ ئەوەی نەگاتە ئاستێکی مەترسیدارتر.
وتیشی، "ئێمە هۆشداریمان
داوە و چارە نەکرا ئەگەر وا بەردەوام بێت گرفتەکە گەورەتر دەبێت."
ئەمە لەکاتێکدایە، لەماوەی
رابردوودا قەیرانی کێشەی نەبوونی دەرمان و خزمەتگوزاری پێویستە لە نەخۆشخانەکانی
ناو شار و سنوری پارێزگای سلێمانی بەشێک
لە نەخۆشخانە سەرکەییەکانی وەک فریاکەوتن لە نەخۆشخانەی شار و نەخۆشخانەی هیوا بۆ
چارەسەری شێرپەنجە و بوژانەوەی دڵ و بانکی خوێن بەشێک لە خزمە تگوزارییەکانیان راگرت
و تەندروستی سلێمانی و بەڕێوەبەری نەخۆشخانەی هیوا هۆشدارییاندا لەوەی کەرتی
تەندروستی لە سەر لێواری داڕماندایە.