ئەمینداری گشتی یەكگرتووی ئیسلامی كوردستان لەبارەی خۆپیشاندانی خوێندکارانی زانکۆ و پەیمانگاکانی هەرێمەوە رایگەیاند، دۆخەكە مەترسیدارە و پێویستە بەرپرسان بێنەدەنگ، دەشڵێت، "لەم كاتەدا ژینگەكە لەبارە بۆ وەرچەرخان بەرەو زەمینلەرزەیەكی سیاسی و تێكەڵ بوو بەهەستی پەنگخواردووی جەماوەر."
سەڵاحەدین محەمەد بەهائەدین ئەمینداری گشتی یەكگرتووی ئیسلامی كوردستان لەبارەی خۆپیشاندانی خوێندکارانی زانكۆ و پەیمانگاكان لە هەرێمی كوردستان لەلاپەڕەی خۆی لە تۆڕی كۆمەڵایەتی تویتەر نووسیویەتی، "پرسی مافەكانی قوتابیان رەوایە و بەشێكە لە پرسەكانی گەنج."
دەشڵێت، "گرژی و ئاڵۆزییەكان كە بەهۆی خۆپیشاندانەكانەوە
دروستبووە، دەبێتە هۆی تێكدانی ناوەندەكانی خوێندن".
ئەوەشی خستەڕوو، "مەترسیەكە لەوەدایە لەم كاتەدا ژینگەكە
لەبارە بۆ وەرچەرخان بەرەو زەمینلەرزەیەكی سیاسی و تێكەڵ بوو بەهەستی پەنگخواردووی
جەماوەر، بۆیە هیوادارم دەسەڵات خێرا بچێ بەدەم داواكانیانەوە و چارەسەری بكات."
ماوەى سێ رۆژە خوێندکارانى زانکۆ و پەیمانگاکان بۆ
داواکردنى پێدانى دەرماڵە گردبوونەوە و خۆپیشاندان ئەنجام دەدەن و دوێنێ بۆ بڵاوەپێکردنى
خوێندکاران هێزە ئەمنییەکان دارى کارەبایى و گازى فرمێسکڕێژیان بەکارهێنا و بەو هۆیەوە
چەند خوێندکارێک بریندار بوون.
ئەمڕۆش هێزە ئەمنییەکان نەک تەنها گازی فرمێسک رێژ،
بەڵکو تەقەیان بەسەر خوێندکارانیشدا کرد لە سلێمانی و لە دهۆکیش بە زەبری هێز
بڵاوە بە خۆپیشاندەران کرا.
هـ.ئـ