AM:08:58:16/04/2024
964 جار خوێندراوەتەوە
کۆمەڵەى پیشەسازى نەوتى کوردستان "ئەپیکۆر" پێشوازى لە گفتوگۆکانى شاندى عێراق و لایەنى ئەمریکا کرد سەبارەت بە دەستپێکردنەوەى هەناردەى نەوتى هەرێم و رایگەیاند، لەگەڵ بەغدا و هەرێم گفتوگۆ دەکەن.
ئەپیکۆر لە راگەیەنراوێکدا ئاماژەى بە گفتوگۆى نێوان شاندى عێراق و لایەنى ئەمریکا کردووەتەوە سەبارەت بە دەستپێکردنەوەى هەناردەی نەوتى هەرێمى کوردستان کە ماوەى زیاتر لە ساڵێکە بە بڕیارى دادگا ناوبژیوانى پاریس راگیراوە.
ئەپیکۆر دەشڵێت،
لەگەڵ هەرێمى کوردستان و عێراق گفتوگۆ دەکەن و هەوڵدەدەن لە نزیکترین کاتدا دەست بە
هەناردەى نەوت بکەنەوە.
لە کۆبوونەوەى سەرۆک
وەزیرانى عێراق و وەزیرى دەرەوەى ئەمریکا گفتوگۆ لەسەر هەناردەى نەوتى هەرێم کرایەوە
و سودانى جەغتیکردەوە و کە پێویستە پێش دەستپێکردنەوەى هەناردەى نەوتى هەرێم هەموارى
بودجە بکرێتەوە و لەگەڵ کۆمپانیاکان لەسەر خەرجى وەبەرهێنانى نەوتەکە رێککەوتن بکرێت.