لە دوێنێوە نرخی دۆلار بەرزبوونەوەی بەخۆوە بینیوە و لە ئێستاشدا ١٠٠ دۆلار بە زیاتر لە ١٤٨ هەزار دینار مامەڵەی پێوەدەکرێت.
ئەمڕۆ دووشەممە، ١٠٠ دۆلار لە بازاڕەکانی هەرێمدا بەرامبەر بە ١٤٨ هەزار و ٨٥٠ دینارە، بەمەش بەراورد بە دوێنێ کاتی کردنەوەی بازاڕ، ٣٥٠ دینار لە نرخەکەی بەرزبووەتەوە.
دوێنێ، دوای نزیکەی
هەفتەیەک لە داخستنی بۆرسەی عێراق، بانکی ناوەندی ٢٨٣ ملیۆن و ١٠٨ هەزار و سێ دۆلاری
خستە روو.
لەو رێژەیەش،
٢٥٩ ملیۆن و ١١٥ هەزار و سێ دۆلاری بەشێوەی حەواڵە بووە و ٢٤ ملیۆن و ٤٥ هەزار دۆلاریشی
بەشێوەی کاش بووە.
پێشتریش بانکی
ناوەندیی عێراق رایگەیاندبوو، لە ماوەی پێنج رۆژی فرۆشی دۆلار لە سەرەتای مانگی نیساندا
زیاتر لە ملیارێک و ٢٠٠ ملیۆن دۆلار بە شێوەی کاش و حەواڵە خراوەتە روو، لەو رێژەیەش
٩٦.٧٪ بەشێوەی حەواڵەی دەرەکی بووە. دەشڵێت، "فرۆشی دۆلار هاوکاری بازرگانان
و رێکخستنی هەڵاوسانی ناوخۆیی دەکات".