ئەمڕۆ بانکی ناوەندی عێراق زیاتر لە ٢٨٣ ملیۆن دۆلاری خستە روو و لە ئێستادا نرخی دۆلار لە بازاڕەکاندا جێگیرە.
ئەمڕۆ یەکشەممە، ١٠٠ دۆلار بە ١٤٨ هەزار و ٥٠٠ دینار مامەڵەی پێوەدەکرێت، بەمەش بەراورد بە دوێنێ نرخەکەی جێگیرە.
ئەمڕۆ دوای نزیکەی هەفتەیەک لە داخستنی بۆرسەی عێراق،
بانکی ناوەندی ٢٨٣ ملیۆن و ١٠٨ هەزار و سێ دۆلاری خستە روو.
لەو رێژەیەش، ٢٥٩ ملیۆن و ١١٥ هەزار و سێ دۆلاری بەشێوەی
حەواڵە بووە و ٢٤ ملیۆن و ٤٥ هەزار دۆلاریشی بەشێوەی کاش بووە.
بانکی ناوەندیی عێراق رایگەیاند، لە ماوەی پێنج رۆژی فرۆشی
دۆلار لە سەرەتای مانگی نیساندا زیاتر لە ملیارێک و ٢٠٠ ملیۆن دۆلار بە شێوەی کاش
و حەواڵە فرۆشراوە، لەو رێژەیەش ٩٦.٧٪ بەشێوەی حەواڵەی دەرەکی بووە. دەشڵێت،
"فرۆشی دۆلار هاوکاری بازرگانان و رێکخستنی هەڵاوسانی ناوخۆیی دەکات".