چاوگێک لە وەزارەتی دارایی هەرێم بە دیجیتاڵ میدیای ئێن ئاڕ تی راگەیاند، ١٣٠ ملیار دینار بۆ دابەشکردنی مووچەی مانگی سێ خراوەتە سەر هەژماری هەرێم. دەشڵێت، "پێش جەژن دەست بە دابەشکردنی مووچە دەکەین".
وەزارەتی دارایی عێراق رایگەیاند، لەسەر داوای محەمەد شیاع سودانی سەرۆک وەزیرانی عێراق و بە رەزامەندی تەیف سامی وەزیری دارایی عێراق و بە هاوتەریبی لەگەڵ بڕیارەکەی دادگای فیدراڵی بڕیاریان دا پارەی مووچەی مانگی سێ بۆ هەرێم بنێرن.
ئەوەشی خستووەتە روو،
مووچەی سەرجەم وەزارەتە شارستانی و ئەمنییەکان دەنێرن و دیوانی چاودێری و داگای
فیدراڵییان لە ناردنی پارەکە ئاگادارکردووەتەوە.
پێشتر، وەزارەتی دارایی
عێراق بە ئێن ئاڕ تی راگەیاند، ئەمڕۆ وردبینی بۆ لیستی مووچەی مانگی سێـی مووچەخۆرانی
هەرێم دەکەن و کە وردبینی تەواو بوو ٩٥٢ ملیار دینار بۆ مووچەی مانگی سێ بۆ هەرێم
دەنێرن.
هەر ئەمڕۆ، وەزارەتی دارایی عێراق رایگەیاند، لەسەر داوای
محەمەد شیاع سودانی سەرۆک وەزیرانی عێراق و بە رەزامەندی تەیف سامی وەزیری دارایی
عێراق و بە هاوتەریبی لەگەڵ بڕیارەکەی دادگای فیدراڵی بڕیاریان دا پارەی مووچەی
مانگی سێ بۆ هەرێم بنێرن.
هێرش قادر- هەولێر
گۆران عەبدوڵا- بەغدا