بەغدا یەک ملیار و نیوی دیکەی خستە سەر هەژماری بانکی هەرێم و چاوگێکیش لە وەزارەتی دارایی رایگەیاند، بە گەیشتنی ئەو پارەیەش دەست بە دابەشکردنی مووچە ناکەن.
لەپاڵ ٥٦٠ ملیار دینارەکەی عێراقدا کە بۆ مووچەی مووچەخۆرانی هەرێم نێردراوە، ئەمڕۆ وەزارەتی دارایی و ئابووری عێراق یەک ملیار و ٥٠٢ ملیۆن دیناری دیکەی خستە سەر هەژماری بانکی حکومەتی کاربەڕێکەری هەرێم.
چاوگێکیش لە وەزارەتی دارایی حکومەتی کاربەڕێکەر بە ئێن
ئاڕ تی راگەیاند، ئەو بڕە پارەیە جیاوازی حساباتی مانگی شوباتە و هەندێک وەزارەت
کەموکوڕی لە پارەکەیاندا هەبووە.
وتیشی، ئەو پارەیە کەمە و کاریگەری لەسەر ئەوە دروست
ناکات کە دەست بە دابەشکردنی مووچە بکەن.
ماوەی زیاتر لە هەفتەیەکە عێراق بڕی ٥٦٠ ملیار دیناری بۆ
مووچەی مووچەخۆرانی هەرێم ناردووە و حکومەتی کاربەڕێکەر دەستی بەسەردا گرتووە و
دابەشی ناکات.
لە ماوەی شەش مانگی رابردوودا حکومەتی کاربەڕێکەر تەنها یەک مووچەی دابەشکردووە، مووچەخۆران لە مانگی ٣ دان و ئەم مووچەیەی بڕیارە وەریبگرن مووچەی مانگی ١١ی ساڵی رابردووە. جیا لەوەی نزیکەی ٥٠ رۆژە مووچە دابەشنەکراوە.
هێرش قادر، هەولێر
هـ.ئـ