پەیامنێری ئێن ئاڕ تی رایگەیاند، لافاو لە بەشێکی شەقام و گەڕەکەکانی دهۆکدا دروستبووە.
لەو بارەیەوە قائیمقامی دهۆک داوای لە هاوڵاتییان کردووە، هاتوچۆ لەناو شەقامەکانی شارەکەدا رابگرن.
هاوکات، بەرگری شارستانی دهۆک داوا لە هاوڵاتییان دەکەن، رێگای نێوان ئامێدی- دهۆک و دهۆک- زاخۆ بەکارنەهێنن.
پەیامنێری ئێن ئاڕ تی ئەوەشی خستەڕوو، لافاو زیانی بە گەڕەکەکانی بەرۆشکێ و نزارکێ و ئێتیتێ گەیاندووە.
ئەوەش لەکاتێکدایە، لە
دوێنێ دووشەممەوە شەپۆلێکی بارانبارین سەرجەم ناوچەکانی هەرێمی گرتووەتەوە و لەو
بارەیەشەوە کەشناسی هۆشداری دا کە بە
هۆی بارانی زۆرەوە ئەگەری روودانی لافاو هەیە و بارودۆخی كەشوهەوای هەرێمی
كوردستان سەخت دەبێت.
هاوکات، کەشناسی داوای لە هاوڵاتییان کرد کە لەناوچە نزمەکان
دوور بکەونەوە و ئۆتۆمبێل رانەگرن، چونکە ئەگەری دروستبوونی لافاو لەو ناوچانە زیاترە
و بۆ دووربوون لە هەورەتریشقە، سەردانی ناوچە شاخاوییەکان نەکرێت و هاوڵاتیان لە
کاتی بەکارهێنانی رێگە سەرەکییەکاندا هۆشیار بن و گەر زۆر پێویست نەبێ ڕێگەكان بەکارنەهێنرێن.
بڕیار نێروەیی - دهۆک
تایف گۆران - دهۆک