سەردێڕ:

وێنە.. ٣٠ کۆچبه‌ر لە خنکان رزگار كران

PM:12:44:28/08/2021

6560 جار خوێندراوەتەوە

ئاژانسی هەواڵی ئەنادۆڵ بڵاویکردەوە، ٣٠ کۆچبەری نایاسایی لەکەناراوەکانی پارێزگای دیدمی تورکیا لە خنکان رزگارکران.


ئەو ٣٠ کۆچبەرە لەنێو بەلەمێکدابوون و بەهۆی بەهێزیی و توندی شەپۆلەکانی دەریاشەوە مەترسیی نقوومبوونی ئەو بەلەمە هەبووە، ئاژانسی ئەنادۆڵیش ئاماژەی بەوەکردووە، لەلایەن تیمەکانی فەرماندەیی ئاسایشی کەناراوەکانی تورکیا رزگارکراون.

بەگوێرەی زانیارییەکانی ئاژانسی هەواڵی ئەنادۆڵ، رووداوه‌كه كه‌ به‌هۆی له‌كاركه‌وتنی بزوێنه‌ری به‌له‌مه‌كه‌ و بەهێزیی و توندی شەپۆلەکانی دەریاوە بووە و، دوای ئەوەی تیمەکانی ئاسایشی کەناراوەکانی پارێزگای دیدم لە رووداوەکە ئاگادارکراونەتەوە، گەیشتوونەتە شوێنی رووداوەکە و هه‌ر ٣٠ كۆچبه‌ره‌ نایاسایییه‌كه‌یان رزگار كراون.

هاوکات، دوای ئه‌وه‌ی كۆچبه‌ره‌ نایاسایییه‌كان كه‌ هاوڵاتیی بیانین گه‌یه‌ندرانه‌ وشكانی، كاره‌كانیان رایی كرا و ره‌وانه‌ی فه‌رمانگه‌ی كۆچ و كۆچبه‌رانی ئایدن كران.

لەمساڵدا رێژەی کۆچکردنی هاوڵاتییانی رۆژهەڵاتی ناوەڕاست و باشووری ئەفریقا بۆ وڵاتانی ئەوروپا و وڵاتانی دیکەی جیهان بەشێوەیەکی بەرچاو زیادیکردووە و شارەزایانیش هۆکارەکەی بۆ، ناجێگریی دۆخی سیاسیی و ئەمنی، نەبوونی هەلی کار بۆ گەنجان، خراپی حکومڕانی، نەبوونی خزمەتگوزارییە سەرەتاییەکان دەگەڕێننەوە.








گەلەری