سەردێڕ:

لە کۆشکی ئیلیزێی فەرەنسا مەدالیای شکۆمەندی بە ماکرۆن بەخشرا

PM:08:36:07/05/2022

2872 جار خوێندراوەتەوە

لەمەڕاسیمێکدا لە کۆشکی ئیلیزی فەڕەنسا، کە لە دوای دووبارە دەستبەکاربوونەوەی سەرۆکی فەڕەنسا بەڕێوەچوو، ئیمانوێل ماکرۆن مەدالیای شکۆمەندی نیشتیمانی پێبەخشرا، کە ئاماژەیە بۆ بەردەوامی دەسەڵاتەکەی و بە سەرجەم سەرۆکەکانی فەڕەنسا دەدرێت.


ئەمڕۆ شەممە، ئیمانوێل ماکرۆن سەرکی فەڕەنسا لە مەڕاسیمێکدا لە کۆشکی ئیلیزێی فەڕەنسا دووبارە وەک سەرۆکی وڵاتی دەستی بە کارەکانی کردەوە و لە هەر لە مەڕاسیمەکەشدا مەدالیای شکۆمەندی وڵاتەکەی پێبەخشرا.

ئەمەش لە کاتێکدایە، ئیمانوێل ماکرۆن یەکەم سەرۆکی فەڕەنسایە لەماوەی ٢٠٠ ساڵی رابردوودا کە بۆ دوو خولی یەک لەدوای یەک سەرۆکایەتی وڵاتەکە بکات و تا ئێستاش هیچ کەسێکی بۆ وەرگرتنی پۆستی سەرۆک وەزیران پێشنیار نەکردووە.

ئەوەی لەبارەی مەدالیاکەشەوە باسی لێوە کراوە ئەوەیە کە مەدالیای شکۆمەندی نیشتیمانی هێمایەکی بە بەهایە و پێناسەی شکۆمەندی دەسەڵاتی سەرۆکەکە دەکات و هێمای بەهێزی و بەردەوامی وڵاتەکەیە.

مەدالیاکە لە خامی ئاڵتون دروست دەکرێت و کێشەکەی ٩٥٢ گرامە و بە قوماشێکی سورەوە بەستراوە و دوو پیتی سەرەتای وشەکانی شکۆمەندی و نیشتیمانی لەسەر نەخشێندراوە HP کە کورتکراوەی Honneur et patrie.

لەبارەی ملوانکەکەوە باس لەوەشکراوە، کە مەدالیایەکی سادە نییە و بەڵکو نیشانەی بەرپرسیاریەتی گەورەی سەرۆکە لە جێبەجێکردنی ئەرکەکانیدا لەماوەی مانەوەی لە پۆستەکەیدا.













گەلەری