سەردێڕ:

ڤیدیۆ.. فڕۆکەوانێک بۆ بەرزکردنەوەی ژمارەی فۆڵۆوەرەکانی ئەم کارەی ئەنجامدا

PM:10:50:22/04/2022

12980 جار خوێندراوەتەوە

لە تۆڕەکۆمەڵایەتییەکان گرتەیەکی ڤیدۆیی بڵاوکراوەتەوە تیایدا دەردەکەوێت فڕۆکەوانێک بێ بوونی هیچ کێشەیەک لە فڕۆکەکەی خۆی فڕێدەداتە خوارەوە بە ئامانجی تێکشکاندنی فڕۆکەکەی و تۆمارکردنی گرتەی ڤیدیۆیی رووداوەکە تا ژمارەی فۆڵۆوەرەکانی لە یوتیوب پێ بەرز بکاتەوە.


رۆژنامەی نیۆرک تایمزی ئەمریکی بڵاویکردەوە، فڕۆکەوانەکە ناوی "تریفور جاکوب"ە و تەمەنی ٢٨ ساڵە.

رۆژنامەکە، تریفوری بەکەسایەتییەک وەسف کردووە کە هیچ هەستێکی بەر پرسیارێتی نییە کاتێک تەنها بە ئامانجی تۆمارکردنی گرتەی ڤیدیۆیی خۆ فڕێدانەخوارەوەیی و تێکشکاندنی فڕۆکەکەی ئە سەرکەشییەی کردووە.

تریفور جاکوب ١٣٣ هەزار فۆڵۆوەری لە چەناڵی یوتیوبەکەی هەیە و لە ئێستادا لەسەر رووداوەکە لێکۆڵینەوەی لەگەڵ دەکرێت.

مانگی رابردوو، تریفور جاکوب گرتە ڤیدیۆییەکەی لە یوتوبی خۆی بەناوی "فڕۆکەکەم تێکشکاند" بڵاوکردەوە و ملیۆنێک و ٧٠٠ هەزار کەس بینەری بوونە.

تریفور جاکوب وتویەتی، کاتێک هەستی کردووە کێشەیەک لە مەکینەی فڕۆکەکەیدا هەیە بە پەڕەشوت خۆی فڕێداوەتە خوارەوە لە سەر دارستانی لۆس بادیسی نیشتیمانی لە ویلایەتی کالیفۆڕنیا.













گەلەری