AM:10:43:24/01/2022
440 جار خوێندراوەتەوە
+
-
وەزیرێ دەڤەریێ ئەمریکا ڕاگەهاند، ئەگەر
روسیا سنورێن ئۆکرانیا دەربازبکەت دڤێت خۆ بۆ بەرسڤەکا دژوارا ئەمریکا و
هەڤپەیمانان ئامادە بکەت.
ئەنتۆنی بلینکن وەزیرێ دەرڤەیێ ئەمریکا د
دەمێ دیدارەکێ دا دگەل کەنالێ سی ئێن ئێن ڕاگەهاند، دنهادا خۆ بۆ بەرسڤدان و
هێرشکا روسیا ئامادە دکەن، نەکو هەر دەمێ روسیا هێرشکرە سەر ئاخا ئۆکرانیا پشترە
بەرسڤێ بدەن.
گوتژی، هەر لڤینەکا سوپایێ روسیا بۆ
ئاڕاستەیا ئاخا ئۆکرانیا بێی بەرسڤ نابیت و ئەمریکا و هەڤپەیمان دێ بەرسڤەکا بلەز
هەبیت.
بەحسا وێیەکێ ژی کریە، دنهادا کار لسەر
وێیەکێ دکەن کو بەرەیەکێ لهەمبەر روسیا ڤەکەن، ژبەرکو چاڤەرێ نابن هەیا کو روسیا
ئاخا ئۆکرانیا داگیربکەتن و پشترە ئەو دەست ب لڤینێ بکەن.
ئاماژە ب وێیەکێ ژیکریە، دڤێت روسیا دناڤبەرا
گۆتۆبێژێن دوبلوماسی و رووبرووبونێ دا ئێکی بهەلبژێریت.
هەڤدەم، وەزارەتا دەرڤەیا ئەمریکا د
ڕاگەهاندنەکێ دا، داخاز ژ وەلاتی و دبلۆماتکاران کریە ئۆکرانیا ب جی بهێلن.
هەروەسا داخاز ژ وەلاتیان ژی کریە دنهادا خۆ دوویربێخن
ژ گەشتکرنێ بۆ روسیا.
ئەڤەژی د دەمەکێ دایە، بەردەوام بەرپرسێن
روسیا ڕەتکرینە کو بزاڤێن هێرشکرنا سەر ئاخا ئۆکرانیا بکەن، دبێژیت ژی، بوونا
سەربازێن وان لسنورێ ئۆکرانیا بتنێ بۆ پاراستنا سنورێن وانە.