PM:02:11:22/01/2022
2792 جار خوێندراوەتەوە
+
-
پشتی کو ئەمریکا زێدەتر
ژ مەهەکێ ناڤبژیوانی کری، داوی جار حکومەتا هەرێمێ دبن فشارێ دا بڕیاردا مەهێ دوو
جاران دەرازینکا سنوریا سێماڵکا ڤەکەت.
ڕووپەلێ ئەلمۆنیتەرێ ئەمریکی
بەلاڤکریە، ل ١٥ێ کانونا ئێکێ ٢٠٢١ ێ پشتی کو پێکدادان دناڤبەرا گرۆپێن "گەنجێن
شۆڕشگێڕ" و پاسەوانێن سنورێ هەرێمێ ل دەرازینکا سنوریا سێماڵکا روویدای، حکومەتا
هەرێمێ ئەو دەرازینکە داخست.
پشتی داخستنا وێ دەرازینکێ،
هەمی لڤینێن بازرگانی و گەشت و هەیاکو تێپەڕبوونا تاکە کەسی ژی هاتیە ڕاگرتن، زێدەباری
وێ چەندێ ئەمریکا نێزیکی ٩٠٠ سەرباز ل وێ دەڤەری و باکورێ سوریا جێگرکربوون.
لدویڤ ڕوپەلێ ئەلمۆنیتەر،
پشتی کو زێدەتر ژ مەهەکێ ئەمریکا ناڤبژیوانی کری دناڤبەرا حکومەتا هەرێمێ و ئیدارەیا
خۆسەرا ڕۆژئاڤا دا، داوی جار حکومەتا هەرێمێ بڕیاردا د مەهەکێ دا دووجاران دەرازینکا
سێماڵکا ڤەکەت، ب وی مەرجی ناڤ و لیستێن وان کەسان بدەنە وێ دەرازینکێ هەیاکو هوویربینی
تێدا بهێتەکرن.
وی ڕووپەلی ئەویەکژی ئاشکەرا کریە، ل ٢٣ێ کانونا ئێکێ برێت مەکگۆڕ پەیکێ
کۆشکا سپی بۆ کاروبارێن ڕۆژهەلاتا ناڤەڕاست و باکورێ ئەفریقیا پەیوەندییەکا تەلەفۆنی
دگەل مەسرور بارزانی ئەنجامدا. هەروەسا، ل ٧ ێ کانونا دووێ ل باژێرێ هەولێرێ مەزڵوم
کۆبانی دگەل نێچیرڤان بارزانی سەرۆکێ هەرێمێ جڤیا و دەربارێ وێ کەیسێ گۆتوبێژکرن.
وی ڕووپەلی ئەو یەکژی
دادیارکرن، مەسرور بارزانی سەرۆکێ حکومەتا هەرێمێ بڕیارا داخستنا وێ دەرازینکا
سنوری دایە.
حکومەتا هەرێمێ ڕەتکریە
ب ئاوایەکێ تەمام و بەردەوام وێ دەرازینکێ ڤەکەت، ب هێجەتا پاراستنا وان خێزانێن ل وێ دەڤەرێ د کەمپاندا دژین. مەرجەکێ دیێ حکومەتا
هەرێمێ ئەو بوویە، ئیدارەیا خۆسەرا ڕۆژهەڵات
و سوریا ڕێکێ بدەت ڕێکخراوا خێرخوازیا بارزانی کار و چالاکیێن خۆ ئەنجامبدەت، ژبەرکو
پێشتر ب هێجەتا وێ چەندێ کو وێ ڕێکخراوێ هاریکاریا سیخورێن تورکیا کربوو هەمی
چالاکیێن وێ هاتبوونە ڕاگرتن.