PM:10:16:17/01/2022
1780 جار خوێندراوەتەوە
+
-
بسەدەما وێیەکێ ناهێلن مومارسەیا پیشەیا خۆ
بکەت، کازم فاروق سەرۆکێ فڕاکسیۆنا نەوەی نوێ ل پەرلەمانێ کوردستانێ بڕیاردایە
ئێدی مووچەیێ پەرلەمانتاریێ وەرنەگریت.
هیمداد شاهین پەیڤدارێ ڤەلڤینا نەوەی نوێ
بەلاڤکریە، "هەمی دزانن کازم فاروق دگەل هەڤالێن خۆ ل پەرلەمانێ کوردستانێ
ئێکبوویە ژ پەرلەمانتارێن خۆدان هەلویستێن هەرێما کوردستانێ، لێ دبینین دنهادا و ژ
ئالیێ هەردوو حزبێن حاکم ڤە کو پارتی و یەکێتی نە ناهیلن مومارسەیا پیشەیا خۆ
بکەتن و بەژداریێ د روونشتنا پەرلەمانی دا بکەتن".
ئاماژە ب وێیەکێ ژی کر، "وەکی نەوەی نوێ
ئەم وەسا دبینین هەرچەندە ئەو کارە دورە ژ خواستا مە و پەرلەمانی ب خۆژی، لێ د
هەمان دەمی دا ئێدی وەرگرتنا مووچەیێ پەرلەمانتاریێ بۆ کازم فاروقی نەیا دروستە
ژبەرکو بسەدەمێ رێگریکرنێ ژ ئالیێ دەستەیا سەرۆکایەتیا پەرلەمانی ڤە نەشێت وەکی
پێتڤی نوینەرایەتیا وان دەنگان بکەتن ئەوێن کو پێ هاتینە دان".
پەیڤدارێ نەوەی نوێ بەحسا وێیەکێ ژی کر،
"کازم فاروق بڕیاردایە ئێدی مووچەیێ پەرلەمانتارن و دەزگەهێن حکومەتێ وەرنەگریت".
د دەمێ دەربازبووی دا، چەندین جارێن دی ژ
ئالیێ سەرۆکایەتیا پەرلەمانێ کوردستانێ ڤە رێگری ل کازم فاروق هاتە کرن کو
بەژداریێ د رونشتنا پەرلەمانی دا بکەتن، کو وێیەکێ ژی نەرازیبوونا بەشەک ژ پەرلەمانتاران
بدیڤ خۆ ڤە ئینا.