سەرنووچە:

ڕێکخراوا ئۆپیک پلەس پشکا نوویا عێراقێ ل بەرهەمئینانا پەترۆلێ دیارکر

PM:02:49:04/12/2021

1092 جار خوێندراوەتەوە

+ -

ڕێکراوا ئۆپیک پلەس پشکا بەرهەمئینانا پەترۆلا عێراقێ بۆ مەها کانونا دووێ یاداهاتی دیارکر و ڕێکێ د دەت ڕۆژانە زێدەتر ژ چار ملیۆن بەرمیلان بەرهەمبینیت.

ئەڤرۆ شەمبی، ڕێکخراوا ئۆپیک پلەس لیستا پشکا بەرهەمئینانا پەترۆلا ولاتێن ئەندام دوێ ڕێکخراوێدا و دناڤدا هاتیە، عێراقێ د مەها کانونا دووێ دا ڕۆژانە چار ملیۆن و ٢٨١ هزار بەرمیلێن پەترۆلێ بەرهەم دئینیت.

ئاماژە ب وێ ژی دا، هەڤبەر ب مەها کانوونا ئێکێ، عێراق ڕۆژانە ٤٤ هزار بەرمیلێن پەترۆلا زێدە د مەها کانونا دووێ دا بەرهەم دئینیت.

لیستا ڕێکخراوێ ئەو یەکژی دایە دیارکرن، د مەها کانونا ئێکێ دا عێراقێ ڕۆژانە چار ملیۆن و ٢٣٨ هزار بەرمیل بەرهەم ئیناینە و پشتی کو ڕێکخراوێ ڕێک دای ب هەڤبەرکرن دگەل مەها تشرینا دوویێ، د مەها کانونا ئێکێدا ڕۆژانە ٨٨ هزار بەرمیلان زێدە بەرهەم بینیت.

هەر ل دیڤ لیستا ڕێکخراوا ئۆپیک پلەس، هەرئێک ژ سعودیە و وڕوسیا کۆ بڕێ ١٠ ملیۆن و ١٢٢ هزار بەرمیلێن پەترۆلێ ل مەها کانوونا دوێ دا بەرهەم دئینن. بڤێ ژی هەڤبەر ب مەها کانونا ئێکێ ١٠٤ هزار بەرمیلێن زێدەتر یێن پەترۆلێ ڕۆژانە بەرهەم بینیت.

هەروەسا ئیمارات ب قەبارێ ٣١ هزار بەرمیلێن رۆژانە، دمەها کانوونا دووێ دا دوو ملیۆن و ٩١٦ هزار بەرمیلێن پەترۆلێ بەرهەمبینیت.

ئەو یەک ژی دایە دیارکرن، ڕێکخراوا ئۆپیک پلەس بڕیار دایە دمەها کانونا دوێ دا بڕێ ٤٠٠ هزار بەرمیلێن پەترۆلا ڕۆژانە بەرهەمئینانێ زێدە بکەت، بڤێ ژی بەرهەمئینان دڕۆژەکێ دا ل مەها کانوونا دوێ دا دگەهیتە ٢٤٥ هزار بەرمیل هەیا بکاریت بڕێ ٢٤ ملیۆن و٥٥٤ هزار بەرمیلێن پەترۆلی بەرهەمبینیت. د دەمەکیدا، پشکا هەڤپەیمانێن وێ ڕێکخراوێ د گەهیتە ١٤٦ هزار بەرمیل ژبۆ کو بکاریت ١٥ ملیۆن و ٧٩٤ هزار بەرمیلێن پەتڕۆلێ ب ئاوایەکێ ڕۆژانە بەرهەمبینیت.

ئەڤە د دەمەکیدایە، ل جڤینا داویێ یا ڕێکخراوا ئۆپیک پلەس ل پێنجشەمبیا دەربازبووی بڕیار هاتە دان ب زێدەکرنا بەرهەمئینانا ٤٠٠ هزار بەرمیلێن ڕۆژانە بمەرەما بووژانەوەیا ئابوریا ولاتێن ئەندام دوێ ڕێکخراوێ دا.

گەلەری