PM:11:15:26/10/2025
808 جار خوێندراوەتەوە
+
-
١٢ سال
دەربازبوون بسەر تەقەکرنێ ل شاسوار عەبدولواحید و تا نها تەقەکەر نەهاتینە دەستەسەرکرن
و هەڤدەم پشتی ١٢ سالان، دەستهەلاتێ سێ هەیڤان بەری هەلبژارتنێ شاسوار عەبدولواحید
دەستسەرکر ژبەر ترسا زێدەبوونا دەنگێن نەوەی نوێ.
١٢ سال
دەربازبوون بسەر تەقەکرنێ ل شاسوار عەبدولواحید و تا نها تەقەکەر نەهاتینە دەستەسەکرن،
د دەمەکی دا بوویەر ب رۆژا ئەشکرا لهەمبەر پرۆژەیێ چاڤی لاند روویدا کو جهەکێ
ئاڤەدانە ل سلێمانیێ و رێکا سەرەکیا وەلاتیانە.
هەڤدەم پشتی
بوویەرێ دەزگەهێن ئەولەهیێ ل سلێمانیێ راگەهاند، دێ دەست ب ڤەکۆلینان کەین و د
چەند رۆژێن داهاتی دێ بۆ رایا گشتی بەلاڤکەین لێ پشتی دەربازبوونا ١٢ سالان وەکی
چەند کەیسێن دی بکەرێن بوویەرێ نەهاتینە دەستەسەکرن.
تەقە کرن ل
شاسوار عەبدولواحید وەکی خەلکی ب خۆ گوت بوو بۆ وێ یەکێ ڤەدگەرێت کو پشتەڤانیێ ژ ئێن
ئاڕ تی دکەت کو بەری وەکی میدیایەکا ئازاد هاتبوو سوتن ژلایێ چەند چەکداران ڤە، لێ
پشتی ١٢ سالان شاسوار عەبدولواحید هەر یێ بەردەوام بوو ژ پشتەڤانیکرنا ئێن ئاڕ تی و ڤەلڤینەکا نوی ب ناڤێ ڤەلڤینا نەوەی نوێ دامەزراند
کو رۆژ ب رۆژ د مەزنبوونێ دایە و ئاستێ جەماوەریێ وێ دناڤ خەلکی دا زێدە دبیت، هەر
ژبەرهندێ سێ هەیڤان بەری هەلبژارتنێ شاسوار عەبدولواحید دەستەسەرکر ژ ترسا
زێدەبوونا دەنگێن وان.
پشکەکا چاڤدێرێن
سیاسی دبێژن، تەقە کرن ل شاسوار عەبدولواحید کەیسەکا تیرۆری یە ژبەرهندێ تەقەکەر
ناهێنە دەستسەرکرن هەڤئاوایێ چەندین کەیسێن دی یێن کوشتنا رۆژنامەڤانان و
خۆنیشاندەروان.