AM:10:34:26/10/2025
632 جار خوێندراوەتەوە
+
-
تەڤگەرا ئازادیا سەر ب پەکەکێ ڕاگەهاند، لسەر بنەمایێ بەرنامە و بڕیارێن
کۆنگرەیێ ١٢ـێ و ب دەستورێ ئوجەلانی، لهەمبەر ئەگەرێ مەترسیا لێکدان و ڕوویدانا ئەگەرێن
نەخاستی مە دەست ب پێنگاڤێن ڤەکێشنا بەشەکێ هێزێن خۆ ل تورکیا کر، ڕاگەهاند ژی، ژ
پێخەمەت پرۆسەیا ئاشتیێ دێ هەمی هێزێن خۆ ل تورکیا ڤەکێشین.
ئەڤرۆ ئێکشەمبی، رێڤەبەریا تەڤگەرا ئازادیا سەر ب پەکەکێ، د
کۆنگرەیەکێ رۆژنامەڤانیێ دا ل قونتارا چیایێ قەندیل راگەهاد، د کڤانێ بانگەوازیا
٢٧ـی شوباتێ عەبدولا ئۆجەلانی، پێگاڤەکا دییا پڕۆسەیا ئاشتیێ هاڤێت و ڕاگەهاند،"
مە دەست ب پێنگاڤێن ڤەکێشانا بەشەکێ هێزێن خۆ ل تورکیا کر".
گوت ژی، خۆ ڤەکێشانا هێزێن وان دێ ل دەڤەرێن سنوریێن تورکیا بەرەڤ هەرێمێن
مەدیا بیت، هەڤدەم د دەڤەرێن سنوری ژی دا کو ئەگەرێ لێکدان و هەر ئەگەرەکێ نەخاستی
لسەرە، پێنگاڤێن هەڤئاوا هاتنە هاڤێتن.
تەکەزژی کر، ئەشکرایە کو ئەم
پابەندین ب بڕیارێن کۆنگرەیێ ١٢ـێ و ب بڕیارین ژی د بجهئینانێ دا، لێ بۆ بجهئینانێ
پێدڤیە دەملدەست وان پێنگاڤێن یاسایی و سیاسیێن وێ پڕۆسەیێ پاڤێن کو مەرجێن
بڕیارێن کۆنگرەیێ ١٢ـێ یێن پەکەپێ بوون.
هەردیسان ڕاگەهاندن، بۆ ڤێ ئارمانجێ پێدڤیە ڕاگوزەرا تایبەت ب پەکەکێ
ب بنەما وەرگریت و بۆ پشکداریکرنێ ل سیاسەتا دیموکراتیانە ژی دەملدەست گرێدای ب
ئازادیا پێدڤی و ئەنتیگراسیۆنیا دیموکراتیێ بهێنە دەرکرن".
ئەڤە ژی پشتی وێ یەکێ دهێت، ل ١١ـی تەمموزا ٢٠٢٥، ئێکەم پێنگاڤا
چەکدانانا پەکەکێ ل شکەفتا جاسەنە – سورداش ب بەرهەڤبوونا ٣٠ گەریلایان و نوینەرێن
ولاتێن تورکیا و ئەوروپا و لایەنێن سیاسی ب رێڤەچوو، گەریلایان ژی وەکو دەستپێکا
پڕۆسەیا ئاشتێ چەکێن خۆ سوتن.