PM:11:42:25/10/2025
120 جار خوێندراوەتەوە
+
-
ژێدەرەکی بۆ
ئێن ئاڕ تی گوت، پشتی کو دوهی وەزارەتا دارایا عێراقێ ئیمزا لسەر هنارتنا مووچەیێ
هەیڤا هەشت یێ مووچەخۆرێن هەرێمێ کر، دهێتە
چاڤەرێ کرن د رۆژانێن داهاتی دەست ب هنارتنا پارەی بهێتە کرن.
ئەڤرۆ شەمبی، ژێدەرەکی ل بەغدا بۆ ئێن ئاڕ تی
راگەهاند، هەمی رێکارێن ئیداریێن خەرجکرنا مووچەیێ هەیڤا هەشت یێ هەرێمێ تەمام
بووینە و دهێتە چاڤەرێ کرن د رۆژانێن داهاتی زێدەتری ٩٥٠ ملیار دینارێن مووچەیێ هەیڤا
هەشت بچنە سەر هژمارا بانکیا هەرێمێ.
ئەڤەژی د دەمەکی دایە، لدویف رێکەفتنا
هەرێمێ و بەغدا پشتی هەیڤەکێ ژ رادەستکرنا پەتڕۆلێ و داهاتێ نەپەتڕۆلی بەغدا دگەل
مووچەیێ مووچەخۆرێن عێراقێ مووچەیێ هەرێمێ ژی دێ خەرجکەت.
هەڤدەم، حکومەتا دەم بسەرڤەچووی ژی بەری
راگەهاند بوو، کو رێکەفتنا رادەستکرنا پەتڕۆلێ بتنێ بۆ هەیاما سێ هەیڤانە و بۆ
هەلبژارتنێ، بڤێژی چارەنڤیسێ چەند مووچەیێن ئەڤسالە ب نەدیاری دێ مینیت.