PM:10:10:25/10/2025
424 جار خوێندراوەتەوە
+
-
پێشمەرگەیەکی
ل دهۆکێ رەوشا ژیارا وی یا خرابە و دبێژیت، ب یاسایی و ب نڤیسار داخاز کرییە رێکێ
پێ بدەن ژوورەکێ دروست بکەت، لێ زێدەباری کو جهێ وی مولکێ باژێرڤانیێ یە رێکێ پێ
نادەن، بەربژێرەکێ نەوەی نوێ ژی ل دهۆکێ دبێژیت، بەرپرسێن حزبا دەستهەلادار ل دهۆکێ
مولکێ گشتی داگیر دکەن لێ رێکێ نادەن پێشمەرگەیەک ژوورەکێ دروست بکەت.
ئەڤرۆ شەمبی،
پێشمەرگەیەکی ل دهۆکێ رەوشا مال و ژیارا وی یا خرابە و بۆ ئێن ئاڕ تی گوت، ب
یاسایی و نڤیسار داخاز کرییە ژوورەکێ دروست بکەت ژبەر خرابیا رەوشا خانی و ژیارا
وی لێ رێک پێ نەهاتیە دان و کەس ژی هەڤکاریا وی ناکەت دگەل وێژی دا حکومەت رێگریێ
ژێ دکەت.
دایکا وی
پێشمەرگەی بۆ ئێن ئاڕ تی گوت، د مالباتا وان دا سێ کەس پێشمەرگەنە وان چاڤەرێ دکر
حکومەتا دەم بسەرڤەچووی هەڤکاریان وان بکەت لێ ژیانا کورێ وێ کەفتیە مەترسیێ.
هەڤدەم، عەلی
رەئوف بەربژێرێ نەوەی نوێ ل دهۆکێ دبێژیت، دەستهەلات جودایەکا زۆر دکەت، ب ئاوایەکی
بەرپرسێن پارتی و دەستهەلاتێ مولکی گشتی داگیر دکەن لێ رێکێ نادەن پێشمەریەک
ژوورەکێ دروست بکەت.
گوت ژی، ئەو
پێشمەرگەیە رەوشا ساخلەمیا وی نە یا باشە و خودانێ ١٣ زارۆکانە و د ژوورەکا بچیک
دا دژین و د ژیانەکا دژوار دانە ب تایبەتی ل وەرزێ زڤستانێ و جهێ خەوێ بێهنڤەدانێ
نینە.
ئەڤەژی د
دەمەکی دایە کو سەرۆک وەزیرێ حکومەتا دەم بسەرڤەچووی، بانگەشەیا وێ یەکێ دکر کو دێ
خزمەتا پێشمەرگەیان کەن و ژیانەکا ژ هەژی بۆ وان دابین کەن، لی ئەڤە رەوشا پێشمەرگەیەکی
یە ل دهۆکێ.