PM:04:37:15/09/2025
140 جار خوێندراوەتەوە
+
-
جارەکا دی ماموستایێن
وانەبێژێن هاتینە لادان ل هەمبەر ئاڤاهیێ جڤاتا وەزیران خرڤەبوون و دبێژن، چەند
جارە خۆنیشاندانان دکەن و داخازیێن وان ناهێنە بجهئینان، پەرلەمانتارەکێ نەوەی نوێ
ژی دبێژیت، وەکی نەوەی نوێ دگەل داخازیێن ماموستایێن هاتینە لادان داینە.
ئەڤرۆ دووشەمبی، جارەکا
دی ماموستایێن وانەبێژێن هاتینە لادان ل هەمبەر جڤاتا وەزیران خرڤەبوون و
راگەهاند، چەند جارە خۆنیشاندانا دکەن لێ داخازیێن وان ناهێنە بجهئینان.
هەڤدەم، گۆران دیبەگی،
پەرلەمانتارێ نەوەی نوێ ل پەرلەمانێ کوردستانێ بۆ ئێن ئاڕ تی گوت، وەکی نەوەی نوێ
دگەل داخازیێن ماموستایێن هاتینە لادان داینە.
ئاماژە ب وێیەکێ ژی کر،
جوداهی دناڤبەرا زارۆکێن بەرپرسان و خەلکێ هەژار دا دهێتە کرن.
ئەو ماموستایێن هاتینە
لادان ل هەمی هەرێمێ نیزیکی ٢٠٠ وانەبێژن، وەک ئەو ب خۆ دبێژن، بەری وانە گۆتینە و
ب هۆکارەکێ نەدیار هاتینە لادان.