PM:08:23:16/09/2025
96 جار خوێندراوەتەوە
+
-
پەرلەمانتارەکێ نەوەی نوێ
دەربارەی نە هنارتنا مووچەی دبێژیت، جڤاتا دەلەتێ ساخازا زانیاریان دەربارەی داهاتێ
هەرێمی دکەت لێ ئاریسەیا مەزن لسەر پەتڕۆلی یە و پارتی و یەکێتی نەڤێت رادەستی بەغدا
بکەن، هەردەمێ پارتی و یەکێتی پەتڕۆل رادەست کر ئاریشەیا مووچەی فێ هێتە چارەسەرکرن.
ئەڤرۆ سێشەمبی، رێبوار ئەوڕەحمان، پەرلەمانتارێ نەوەی نوێ د بەرنامەیێ تاوتویێ ئێن ئاڕ تی دا گوت، پارتی و
یەکێتی مفای ژ ڤێ رەوشێ دبینن و پەتڕۆلێ ب قاچاخ دفرۆشن داهاتێ وێ ژی هەر بۆ وانە.
ئاماژە ب وێ یەکێ ژیکر،
حکومەتا عێراقێ رازی بوویە کۆمپانیێن پەتڕۆلی ل شوینا شایستەیێن دارایی بڕەکا
پەتڕۆلێ بۆ خۆ هەلبگرن لێ پارتی و یەکیتی نەڤێت رادەستی بەغدا بکەن و تا نها رازی
نەبووینە و بەرهەڤ نین پەتڕۆلی رادەست بکەن.
گوت ژی، " رەوشا
ژیانا وەلاتیێن هەرێمێ گەلەکا خرابە و پێدڤیە پارتی و یەکێتی پەتڕۆلێ و داهاتی
رادەست بکەن و ئاریشەیا مووچەی بهێتە چارەسەرکرن و ئەگەر پشتی پابەندبوونا هەرێمێ
عێراقێ مووچە نەهنارت وی دەمی هەمی دێ بەغدا ب تاوانبار زانن".
بەحسێ وێ یەکێ ژیکر،
نەوەی نوێ ل بەغدا بۆ باشترکرنا ژیانا وەلاتیێن هەرێمێ چەندین پڕۆژە پێشکێشکرینە
کو تا تەوتینا مووچەی ئێک بۆ ژ وان پڕۆژەیان و "دناڤ پەرلەمانێ مە ئیمزا
کۆمکرن حەتاکو شاسوار عەبدولواحید بخۆ ژی سەرەدانا سودانی کر و پڕۆژەیێ تەوتینا
مووچەی پێشکێشکر.
دبێژیت ژی، د خولا داهاتی نەوەی نوێ بۆ دروستکرنا گڤاشتنان دێ
پشکداریێ د حکومەتا عێراقێ دا کەت و مەرەما وان ئەوە بزاڤا چارەسەرکرنا ئاریشەیێن
هەرێمێ بدەت.
ئەو یەک بەرچاڤ کر، پارتی و یەکێتی ژبلی وەرگرتنا پلە و پۆستان و
بەرژەوەندیێن خۆ چ پرۆژە بۆ هەرێمێ نەبووینە و تا نها ل سەر ماددێ ١٤٠ و پرسێن
گرنگێن پەیوەندی ب کوردان هەی چ هەلویست نەبووینە.
رێبوار ئەورەحمان داخازێ ژ وەلاتیان دکەت و دبێژیت، وەلاتی دشێن ل
رێکا دەنگێن ل هەلبژارتنێ تۆلا خۆ ژ پارتی و یەکێتی ڤەکەن و دەنگ بدەن ب نەوەی
نوێ، ئاریشەیا مووچەی و پێشینەیا هەڤژینیێ و خانووبەرێ دێ کارێن گرنگێن نەوەی نوێ بن
ل بەغدا.