باژێرڤانیا دهۆکێ بەربژێران هایدار دکەت

PM:02:47:17/09/2025

224 جار خوێندراوەتەوە

+ -

باژێرڤانیا دهۆکێ هایداریا بەربژێران دکەت و دبێژیت، رێکێن سەردەمی بۆ بانگەشەیا هەلبژارتنێ بکاربئینن.

ئەڤرۆ چارشەمبی، رێڤەبەریا باژێرڤانیا دهۆکێ راگەهاندنەک بەلاڤکر و دبێژیت، رێکێن سەردەمی بۆ بانگەشەیێ بکاربئینن و ل جهێن تایبەتێن باژێری پۆستەران نەهەلاویسن چونکی دیمەنێن باژێری تێکددەن و هایداریا هەمی بەربژێران دکەت کو  ل ڤان جهان هەلاویستنا پۆستەران قەدەغەیە:

1. دانان پۆستەران ل جهەکی کو رێکێ ژ هاتن و چوونێ بگریت قەدەغەیە.

2. دانانا پۆستەران ل سەر شۆستەیان قەدەغەیە.

3. دانانا پۆستەرن ل هەمبەری ترافی لایتان قەدەغەیە

4. هەلاویستنا پۆستەران ل هەمبەری هەمی قوتابجانە و زانکۆ و ئاڤاهیێن حکومی قەدەغەیە.

5. نابیت ل هەمبەر هۆل و مزگەفتان پۆستەر بهێنە دانان.

6. هەلاویستنا پۆستەران ب سکۆتینێ و بکارئینانا سمغی ل سەر دیواران قەدەغەیە.

7. دانانا پۆستەران ل ناف بازاری ب هەمی ئاوایەکی قەدەغەیە.

8. دانان پۆستەران ل هەمبەر جهێن زڤرینا ترۆمبێلان قەدەغەیە.

9. دانانا پۆسرەتان دناف کەسکاتیێ قەدەغەیە دا کو نەبیتە بەربەست بۆ ئاڤدانا کەسکاتیێ.

10.دانانا پۆستەران ب چەویێن ئاسنی ل سەر شۆستەیان و جهێن گشتی قەدەغەیە.

11.هەلاویستنا پۆستەران ل سەر ئەندەر پاسان قەدەغەیە.

12.پشتی داوی هاتن ب بانگەشەیێ پێدڤیە بەرمایک بهێنە راکرن.

ئەڤەژی د دەمەکی دایە، بریارە هەیڤەکێ بەری هەلبژارتنێ بانگەشەیا هەلبژارتنێ بەردەوام بیت تا دوو رۆژان بەری هەلبژارتنێ.