PM:05:16:10/09/2025
48 جار خوێندراوەتەوە
+
-
حکومەتا عێراقێ و وەزارەتا
کارەبی دڤێت ل رێکا چەند پرۆژەیێنستراتیژی تا سالا ٢٠٢٧ گۆهرینێن دەستپێکی ل کەرتێ کارەبێ دا بکەتن ب ئارمانجا سەقامگیریا تەمام ل تۆرێن کارەبێ و
کێمکرنا برینا کارەبێ، ئەڤەژی هەڤدەمە دگەل بریارەکا دوهی یا جڤاتا وەزیران بۆ
دابینکرنا پارەیێ زێدەتر بۆ پرۆژەیێن پێشکەفتی.
ئەمرۆ چارشەمبی، جڤاتا
وەزیرێن عێراقێ، بنەمایێن هەڤکاریێ دگەل کۆمپانیا "جی ئی ڤێرنۆڤا ئینتە
ناشینال" پەسەند کر و پارەیێ زێدەتر بۆ پرۆژەیێن پێشکەفتی دێ هێتە خەرجکرن،
کو ئەڤەژی هەڤدەمە دگەل پێشبینیێن لیژنەیا ئێنرجیا پەرلەمانی ل سالا ٢٠٢٧ وێستگەهەکا
گۆهرینێ بەرەف جێهگیربوونا تەماما سیستەمێ کارەبێ بۆ باشترکرنا خزمەتگوگوزاریان.
کۆمپانیا جی ئی ڤێرنۆڤا ئینتەرناشنال کو کۆمپانیەکا جیهانییە، پسپۆرە
ل گەشەکردن و ریڤەبرنا وێستگەها ئێنرجیێ و نوی بوونێ، هەروەسا پێشکەشکرنا
چارەسەریا ئێنرجیا ئەتۆمێ، وەک ئێنرجیا رۆژێ و هەوای، ژبلی دابینکرنا تەکنەلۆژیایا
رێڤەبرنێ و تۆرێن هەوای.لیژنەیا ئێنرجیا پەرلەمانێ عێراقێ، پێشبینیا گۆهرینێن
دەستپێکی ل رەوشا کارەبێ کر و تا سالا ٢٠٢٧، ئەڤەژی ژبەر پرۆژەیێن ستراتیژیێن
حکومەتێ کو دهێنە بجهئینان، ژ وان ژی چارەسەرکرنا ئاریشەیان و زێدەکرنا پرۆژەیێن ئێنرجیێ،
دگەل بزاڤ کرن بۆ دامەزراندنا دەستەیەکا تایبەتا ئێنرجیەکا پاک کو راستەوخۆ ب
وەزارەتێ ڤە هاتیە گرێدان.
کامل عوکیلی، ئەندامێ ئێنرجیا پەرلەمانێ عێراقێ د داخویانیەکێ دا بۆ
رۆژنامەیا سەباح گوت، وەزارەتا کارەبێ ب پێنگاڤێن جددی یە بەرەف بجهئینانا
پرۆژەیێن ستراتیژی کو دبنە ئەگەرێ سەقامگیریێ ل سیستەمێ کارەبێ.
ئاماژە ب وێیەکێ ژی کر، دناڤ ڤان پرۆژەیان دا کارێن چارەسەرکرنا
ئاریشەیەن ل چەند دەڤەرێن بەغدا، کارتێکرن هەبووە ل باشترکرنا سەقامگیریا تۆرێن
کارەبێ و نەبوونا کارەبێ.