PM:01:24:10/09/2025
2108 جار خوێندراوەتەوە
+
-
حکومەتا دەم بسەرڤەچووی گۆتۆبێژ
بۆ رادەستکرنا پەترۆلێ ب ئێکجاری راگرت بەرهەڤ ژی نینە داهاتێ نە پەتڕۆلی رادەستی
بەغدا بکەت، بڤێ یەکێ ژی چارەنڤیسێ مووچەیێ شەش هەیڤان ب نەدیاری مایە.
ئەڤرۆ چارشەمبی، ژێدەرەکێ
هایدار بۆ ئێن ئاڕ تی راگەهاند، حکومەتا دەم بسەرڤەچووی بەرهەڤ نینە داهاتێ پەتڕۆلی
رادەستی بەغدا بکەت و دڤێت تا دەمێ هەلبژارتنان مووچەکێ دی دابەشبکەت.
دەربارەی رادەستکرنا پەتڕۆلێ
ژی،ژێدەرەکێ ژ کۆمپانیا سۆمۆ گوت، هەرێمێ کۆمپانیێن بیانی کرینە ئاریشە د دەمەکێ
دا ٤٠٪ پەتڕۆلا هەرێمێ لدەف وانە و ٦٠٪ پەتڕۆلا هەرێمێ لدەف کۆمپانێێن ناڤخۆ یە،
بڤێژی چ رێگری نینە کۆ پەتڕۆلێ رادەست نەکەن، لێ حکومەتا دەم بسەرڤەچووی رەتکریە
پەتڕۆلا کۆمپانیێن ناڤخۆ ژی رادەستی بەغدا بکەت.
هەڤدەم، ژبەر پێگیر نەبوونا
حکومەتا دەم بسەرڤەچووی، بابەتێ هنارتنا پەتڕۆلێ رەوانەی جڤاتا وەلاتی هاتیە کرن ژێدەرەکێ
ئاشکرا کر، جڤاتا دەولەتێ بڕیاران لبن بڕیارێن دادگەها فیدرالی د دەت و جڤاتا دەولەتێ
ژی دێ بڕیارا پێگیرنەبوونا رادەستکرنا پەتڕۆل و هاتێ ناڤخۆ دئێخیتە سەر ملێ هەرێمێ.
ئەڤە د دەمەکێ دایە،
حکومەتا دەم بسەرڤەچووی ئەڤسالە ژ داهاتێ ناڤخۆ ئێک دینار نەدایە مووچەی کو بتنێ
داهاتێ ناڤخۆ زێدەترە ژ شەش ملیۆن تڕلیۆن دینار بووینە و نەدیارە.