PM:05:37:09/09/2025
76 جار خوێندراوەتەوە
+
-
حکومەتا قەتەر دبێژیت،
شەرمزاریا هێرشا ئیسرائیلێ بۆ سەر بارەگایێن ئاکنجیبوونا سەرکردەیێن حەماس ل دەوحە
پایتەختێ قەتەر دکەین، دبێژیت ژی، بێدەنگ نابن هەمبەر رەفتارێن ئیسرائیلێ و
بەردەوامن ژ تێکدانا ئێمناهیا دەڤەرێ.
ئەڤرۆ سێشەمبی، مەجید
ئەنساری، پەیڤدارێ وەزارەتا دەرڤەیا قەتەر د راگەهاندنەکی دا گوت، ئەو هێرشا تاوانباری،
بنپێکاریێن ئەشکرانە بۆ هەمی یاسایێن نێڤدەولەتی و هەرەشەیەکا جددی یە بۆ سەر ئەولەهیێ
و سەلامەتیا ئاکنجیێن قەتەرێ.
ئاماژە ب وێیەکێ ژی کر،
وەزارەتێ پشتراست کر کو دەزگەهێن ئەولەهیێ و بەرگریا بەرەڤانیێ و لایێن پەیوەندیدار
دەملدەت دەست کردوە ب مامەلەکرنێ دگەل بوویەران و رێکارێن پێدڤی گرتینە بەر بۆ
کۆنترۆلکرنا زیانان و پشتراستبوون ژ سەلامەتیا ئاکنجیێن دەڤەرێ.
تەکەز ژی کر، دەلەتا
قەتەرێ ب توندی شەرمزاریا هێرشێن ئیسرائیلێ دکەت و بێدەنگ نابن هەمبەر رەفتارێن
ئیسرائیلێ و بەردەوامن ژ تێکدانا ئێمناهیا ئیسرائیلێ، یان هەر کارەکێ ئەولەهیا
دەڤەرێ بکەتە ئارمانج، ڤەکۆلین د بلندترین ئاستێ دانە و هەر هویرکاریێن زێدەتر
هەبن دێ بەردەست کەن.