PM:11:50:08/09/2025
504 جار خوێندراوەتەوە
+
-
بریارە سوبەهی کۆمبوونا
جڤاتا وەزیرێن عێراقێ برێڤەبچیت و تێدا بەحسا پرسەیا مووچەیێ هەرێمێ بهێتە کرن،
هەڤدەم، مەرجێ عێراقێ بۆ هنارتنا مووچەی رادەستکرنا پەتڕۆلێ و داهاتێ نافخۆیی یە و
حکومەتا دەم بسەرڤەچووی، تا نها پەتڕۆل و داهاتێ نافخۆ رادەستنەکریە و وان دڤێت تا
دەمێ هەلبژارتنان مووچەیەکی یان دوو مووچەیان دابەش بکەن.
ئەڤرۆ دووشەمبی، محەمەد
شیاع سودانی، سەرۆک وەزیرێ عێراقێ پشتی گوتارا خۆ ل هەڤپەیمانیێ باکوورێ ئەتلەس دا
(ناتۆ) ل برۆکسل، ڤەگەریا بەغدا و سوبەهی سێشەمبی سەرپەرشتیا کۆمبوونا جڤاتا
وەزیران دێ کەت، لدویف زانیاریان، د بەرنامەیێ کۆمبوونێ دا بەحسا بابەتێ مووچەی
تێدا نیە، لێ ئەگەر وەکی پاشکۆیەک بەحسا مووچەی بکەن.
سودانی بەری نها کو
مووچەیێ هەیڤێن پێنج و شەش هنارت ب هەرێمێ گەت، پێدڤیە پەتڕۆلێ و داهاتێ ناخۆ
رادەست بکەن، ئەگەر نە چ مووچەیێن دی ناهنێرن.
حکومەتا دەم بسەرڤەچووی
تا نها پەتڕۆل و داهاتێ نافخۆ رادەستنەکریە و دڤێت تا هەلبژارتنان مووچەیەکی تا
دوو مووچەیان دابەش بکەن و بەری نها شاسوار عەبدولواحید بۆ خەلکی ئەشکرا کربوو و
گووت بوو، پارتی و یەکێتی پەتڕۆلێ و داهاتێ نافخۆ نادەنە بەغدا، ژبەرکو ژێدەرێن
داهاتێ دوو بنەمالەیانە و بەغدا ژی مووچەی ناهنێریت.