AM:10:44:08/09/2025
448 جار خوێندراوەتەوە
+
-
تا نها حکومەتا دەم
بسەرڤەچووی پەتڕۆل و داهات رادەستی بەغدا نەکریە و بەردەوامە ل فرۆتنا پەتڕۆلی ب
رێکێن قاچاخ، لدویف زانیاریێن ئێن ئاڕ تی، حکومەتا دەم بسەرڤەچووی دخازیت تا دەمێ
هەلبژارتنێ ئێک بۆ دوو مووچەیان دابەشبکەت و
داخازا پاشخستنا بجهئینانا رێکەفتنان دکەت بۆ سالا بهێت.
ئەڤرۆ دووشەمبی، لدویف داوی زانیاریان، سودانی داخاز کریە ب زویترین
دەم دەست ب هنارتنا پەتڕۆلا هەرێمێ بهێتەکرن و سوبەهی راپۆرتا تایبەت ب هنارتنا
پەتڕۆلا بهێتە تەمامکرن، لێ تا نها حکومەتا دەم بسەرڤەچووی خۆ ژ بجهئینانا رێککەفتنا
دگەل بەغدا دا ڤەدشێریت و بەرهەڤنینە پەتڕۆل و داهاتێ ناڤخۆ رادەستبکەت و وێ
رێککەفتنێ بجهبئینیت کۆ بخۆ ئیمزاکری.
هەڤدەم، حکومەتا دەم بسەرڤەچووی بەردەوامە ژ فرۆتنا پەتڕۆلێ ب رێکین
قاچاخ و دڤێت تا دەمێ هەلبژارتنێ مووچەیەک یان دوو مووچە بهێنە دان و داخازا
پاشخستنا بجهئینانا رێککەفتنێ دکەت بۆ سالا بهێت.
حکومەتا دەم بسەرڤەچووی دڤێت تا پشتی هەلبژارتنان پەتڕۆل و داهاتی
رادەستنەکەت و رادەستکرنا پەتڕۆلێ و داهاتێ ناڤخۆ وەکو کارتا فشاران ددەستی دا بیت
بۆ پشکداریکرنێ د حکومەتا بهێت یا عێراقێ دا. هەروەسا، دڤێت تا هەلبژارتنێ
مووچەیەک بۆ دوو مووچەیەنا بهێنە دان تا ل دەمێ بانگەشەیا هەلبژارتنێ دا بانگەشەیا
وێ یەکێ بکەت کو ئاریشەیا مووچەی هاتیە چارەسەرکرن، لێ بێگومان پشتی هەلبژارتنێ رەوشدێ
خرابتربیت.
هەروسا، ژێدەرەکیژی بۆ ئێن ئاڕ تی راگەهاند، ئەگەر حکومەتا دەم
بسەرڤەچووی پابەندی رێککەفتنان نەبیت، چارەنڤیسێ شەش مووچەیێن مووچەخۆران دێ
کەڤیتە د مەترسیێ دا، بەحسێ وێ یەکێ ژیکر ئەگەر فرۆتنا پەتڕۆلا هەرێمێ ب رێکێن قاچاخ
بەردەوامبیت، بەغدا دێ پێنگاڤێن دی هاڤێت.