PM:08:47:07/09/2025
524 جار خوێندراوەتەوە
+
-
ئێن ئاڕ تی ناڤێن وێ
دەستەیێ ئەشکەرا دکەت کو شاسوار عەبدولواحید بۆ بڕێڤەبرن و سەرکردایەتیکرنا نەوەی
نوێ دیارکرینە.
شاسوار عەبدولواحید
سەرۆکێ ڤەلڤینا نەوەی نوێ بەری دەستەسەرکرن و حکومکرنا وی ل دادگەها سلێمانیێ حەفت
کەس وەکو دەسەیەک دەستنیشانکریە بۆ بڕێڤەبرن و سەرکردایەتیکرنا نەوەی نوێ و
کاروبارێن هەلبژارتنێ د غیابا خۆ دا دەستنیشان کرینە، هەر دگەل دەستتەسەرکرنێ ژی
دا ئەو دەستەیە دەستبکاربوویە و ددەمێ دەربازبوویدا و د داهاتی ژی دا تا ئازادکرنا
سەرۆکێ وان ئەو دەستەیە دێ ڤەلڤینێ بڕێڤەبەن.
ئەو دەستەیە پیکدهێت ل هەرئێک
ژ سەرۆکێن فراکسیۆنێن نەوەی نوێ ل عێراق و کوردستانێ ( سروە عەبدولواحید و
کوردەوان جەمال) هەروەسا هەرئێک ژ (رێبوار ئەورەحمان، کاوە عەبدولقادر، ئومێد
محەمەد، سیپان ئامێدی، فاروق غەفوور).
شاسوار عەبدولواحید بەری
دەستەسەرکرنا خۆ هەمی دەستهەلاتێن خۆ وەکو سەرۆکێ ڤەلڤینێ داینە وێ دەستەیێ، تا د
غیابا وی دا بشێن بڕیاران بدەن ب وی ئاوایی ب رێڤەببەن کو وی بخۆ نەخشە بوودانای.
ئەوا کو تا نها دیار
ئەوە کو نەوی نوێ ل پشتی دەستەسەرکرنا شاسوار عەبدولواحید ب ئاوایی دەمێ
دەربازبووی ژ کارێن خۆ بەردەوامە ژ روویێ گوتارێن میدیایی و هەلویستێن سیاسی ڤە لسەر
هەمان رێکا خۆیە کو شاسوار عەبدولواحید سەرۆکایەتی لێدکر و پلان بۆ دانای.
نەوەی نوێ وەکو مەزنترین
لایەنێ ئۆپۆزسیۆن ل کوردستانێ، خۆدانا ١٥ کورسیێن پەرلەمانێ کوردستانێ و ٩ کورسیێن
پەرلەمانێ عێراقێیە و د نها دا د بەرهەڤیاندانە بۆ هەلبژارتنا پەرلەمانێ عێراقێ.