AM:10:33:28/04/2024
460 جار خوێندراوەتەوە
+
-
لدیف زانیاریێن ئێن ئاڕ
تی، شەڤا دەربازبووی د جڤینا ئالیێن سوننەیان دا بڕیار لسەر دیارکرنا سەرۆکەکێ
نووی بۆ پەرلەمانی هاتیە دان.
شەڤا دەربازبووی هەر سێ
ئالیێن حەسم و سیادە و عەزم ب بەرهەڤبوونا سەرکردەیێن سیاسیێن
سوننەیان ل مالا خەمیس خەنجەر جڤیان، لدیف زانیاریان ژی ئالیێن سوننە رێکەفتینە کو
سالم عیساوی ببیتە سەرۆکێ نووی یێ پەرلەمانێ عێراقێ.
بەحسا وێ یەکێ ژی کر، ئالیێن سوننە نەڤێن زێدەتر پۆستێ
سەرۆکێ پەرلەمانی کو ب پشکا خۆ دزانن ب وەکالەت بهێتە رێڤەبرن، ژبەر وێ یەکێ ژی
داخاز ژ هەڤپەیمانیا ئیدارەیا دەولەتێ کرینە لەزێ بکەن بۆ ئێکئالیکرنا وی پۆستی.
ئەڤە د دەمەکی دایە، مەها 11 یا سالا دەربازبووی ژبەر
سکالایەکێ، محەمەد حەلبوسی سەرۆکێ وی دەمی یێ پەرلەمانی ب بڕیارا دادگەها فیدرالی
ژ پۆستێ سەرۆکاتیا پەرلەمانی هاتە دوویرخستن، ئالیێن سوننە ژی بۆ تژی کرنا وی
پۆستی هەر ئێک ژ سالم عیساوی و مەحمود مەشهەدانی و شەعلان کەریم بەربژێرکرن، لێ
هەر ئێک ژ مەحمود مەشهەدانی و شەعلان کەریم ژ بەربژێریا وی پۆستی ڤەکشیان.