PM:02:29:10/05/2024
1120 جار خوێندراوەتەوە
+
-
ل بازارێن دراڤان بهێنڤەدانە، لێ بهایێ دۆلاری بلند بوو، د نها دا بهایێ
١٠٠ دۆلاران ب ١٤٦ هزار و ٥٠ دیناران بازار پێ دهێتە کرن، هەڤبەر ب دوهی پێنجشەمبی
١٥٠ دیناران بلند بوو.
ئەڤڕۆ ئەینی، ل دەمێ ڤەکرنا نڤیسینگەهێن دراڤان ل هەرێمێ، بهایێ
دۆلاری بلند بوو، هەڤبەر ب دوهی ل دەمێ ڤەکرنا بازاران، بهایێ ١٠٠ دۆلاران نیزیکی
١٥٠ دیناران بلند بوو.
لدیڤ نووچەیێن میدیایێن عێراقێ، بەنکا ناڤەندی هاتیە ئەرکدارکرن بۆ کۆنترۆلکرنا
بهایێ دۆلاری و راگرتنا قاچاغیێ ب دراڤێن بیانی، بۆ ڤێ مەرەمێ ژی عێراق بزاڤان دکەت
هەمی مامەلەیێن ولاتی بکەتە ئەلیکترۆنی. دبیژیت ژی، "تیمەکا کارێ هەڤبەش دناڤبەرا
دەسهەلاتا گشتی یا باج و ئاسایشا نیشتیمانی و وەزارەتا ناڤخۆ دێ هێتە پێکئینان بۆ
بەرهنگاربوونا تاوانان لبن سەرپەرشتیا بەنکا ناڤەندی".
ژلایێ خوڤە ژی، پەیڤدارێ بازارێ دراڤان ل سلێمانیێ بۆ ئێن ئاڕ تی راگەهاند،
بهایێ دۆلاری ب ئاوایەکێ بەرچاڤ نزم بوویە ئەگەر فرۆتنا دۆلاری ب ئاوایێ کاش و حەوالە
بڤی ئاوایێ نها بمینیت دهێتە پێشبینیکرن بهایێ ١٠٠ دۆلاران ب ١٤٥ هزار دیناران بمینیت.
ئەڤە د دەمەکی دایە، بەنکا ناڤەندیا
عێراقێ راگەهاند، د هەیاما دوو حەفتیان دا ب هەردوو ئاوایێن کاش و حەوالە نێزیکی
سێ ملیار دۆلار فرۆتینە.