PM:09:03:23/04/2024
7776 جار خوێندراوەتەوە
+
-
ژێدەرەکی ل وەزارەتا
داراییا عێراقێ بۆ ئێن ئاڕ تی راگەهاند، لیستا مووچەیێ مووچەخۆرێن هەرێمێ بۆ مەها
چار گەهشتیە دەستێ وان پشتی هویربینیکرنێ راستەوخۆ دێ پارەیێ مووچەی بۆ هەرێمێ
هنێرن. دبێژیت ژی، "پێدڤی بوو حکومەتا ڕێڤەبرنا کارێن هەرێمێ حەفتیا دەربازبووی
لیستا مووچەی بۆ بەغدا هنارتبا".
ئەڤڕۆ سێشەمبی، ژێدەرەکێ هایدار ل وەزارەتا داراییا عێراقێ دەربارێ
هویربینیا لیستا مووچەیێ مووچەخۆرێن هەرێمێ بۆ ئێن ئاڕ تی راگەهاند، لیستا مووچەیێ
مووچەخۆرێن هەرێمێ بۆ مەها چار گەهشتیە دەستێ وان و د نهادا مژیلی هویربینیکرنا
لیستا مووچەیێ فەرمانبەرێن هەرێمێ نە.
ئاماژە ب وێیەکێ
ژیکر، پشتی تەمامبوونا هویربینیکرنێ راستەوخۆ دێ پارەی بۆ دابەشکرنا مووچەیێ مووچەخۆرێن
هەرێمێ بۆ مەها چار هنێرن. گوت ژی، "لدیڤ داخازیا وەزارەتا داراییا عێراقێ
لیستا مووچەي گیروبوویە پێدڤی بوو ل دەستپێکا حەفتیا دەربازبووی لیست هاتبا هنارتن
لێ هاتە پاشخستن بۆ ٢٣ـی نیسانێ".
ئەڤە د دەمەکی
دایە، ل رۆژا ١٨ـی نیسانێ ل بەغدا دابەشکرنا مووچەیێ مەها چار دەست پێکریە، لێ ل
هەرێمێ گیروبوویە ژبەرکو حکومەتا رێڤەبرنا کاران درەنگ لیستا مووچەی بۆ بەغدا
هنارتیە.