لدیڤ نڤیسارەکێ کو ب دەست ئێن ئاڕ تی کەفتیە، د جڤینا وەزارەتا دارایی
و بەنکێن ڕەشید و ڕافیدەین ل رۆژا ٢٦ـی دوو ٢٠٢٤، چەندین پێشنیاز بۆ تەوتینکرنا
مووچەیێ مووچەخۆرێن هەرێمێ هاتینە بەحس کرن، کو ژ هەمیان گرنگتر دابەشکرنا وەزارەت
و فەرمانگەهێن هەرێما کوردستانێ بوو بسەر بەنکێن ڕەشید و ڕافیدەین بۆ وەرگرتنا
مووچەیێ فەرمانبەران.
لدیڤ نڤیسارەکێ کو ب دەست ئێن ئاڕ تی کەفتییە،
تەوتینکرنا مووچەیێ فەرمانبەر و خانەنشین و گرێبەستان ل بەنکێن ڕەشید و ڕافیدەین
بۆ پشت راستی و بنەجهـ کرنا مافێن فەرمانبەرانە.
هەڤدەم، ب پشت گرێدان ب هەمان ڕیکار بۆ مووچەیێ مووچەخۆرێن عێراقێ
هاتییە کرن بۆ مووچەخۆرێن هەرێمێ ژی دهێتە جێبەجێ کرن، د خالەکا دی ئاماژە ب
وێیەکێ هاتیە کرن، دیوانا چاڤدێریا داراییا فیدرالی دێ ڕابیت ب هویربینیکرنا
زانیاریێن مووچەیێ مووچەخۆران بۆ پشت راستبوون ژ مەزاختنا زێدەتر یا مووچەی.
هەڤدەم، ئێن ئاڕ تی ناڤەڕۆکا جڤینا دووێ یا وەزارەتا دارایی و بەنکێن
ڕەشید و ڕافیدەین دەست کەفتییە کو ل ١٧ـی مەها سێ یا ئەڤسالە ب ڕێڤەچوویە، تێدا
جەندین خالێن دی هاتییەن گۆتووبێژکرن و گرنگترین داخازی هنارتنا ناڤێ چارێ یێ
مووچەخۆرێن هەرێمی و کار و جهێ مانەڤێ ل هەرێما کوردستانێ، هەڤدەم هەڤکاریکرن بۆ
وان دوو بەنکان ژ لایێ بەنکا ناڤەندی هاتینە دیاریکرن تا پرۆسەیا تەوتینێ ب
ئاوایەکێ لەز تر بهێتە جێبەجێ کرن.
هەر لدیڤ وێ نڤیسارێ پشتی وێ جڤینێ، تەیف سامی وەزیرا دارایا عێراقێ
نڤیسارەک ئاراستەی حکەمەتا رێڤەبرنا کارێن هەرێمێ کریە تێدا داخاز کریە هەمی زانیاریێن مووچەخۆرێن هەرێمێ بۆ بەغدا
بهێنە هنارتن، لێ تا نها دەسهەلاتدارێن هەرێمێ بەرسڤ نەدایە.
هەڤدەم، داخازا تەیف سامی و پەسەندکرن ژ لایێ سودانی هەمان ئەو
پرۆژەیە کو بەری نها نەوەی نوی داخاز کربوو کو مووچەیێ مووچەخۆرێن هەرێمێ ب رێکا
بەنکێن فیدرالیێ یێن ڕەشێد و ڕافیدەین بهێتە دابەشکرن.
ئەڤە د دەمەکی دایە، بەری نها نەوەینوێ ب رێکا کۆمکرنا ١١٩ ئیمزایێن پەرلەمانتاران داخاز ژ سودانی کر تا
مووچەخۆرێن هەرێمێ ب رێکا بەنکێن فیدرالی مووچەیێ خۆ وەربگرن و سەرۆک وەزیرێن
عێراقێ ژی داخازا وان پەسەن کر.
