PM:01:50:22/04/2024
40 جار خوێندراوەتەوە
+
-
سەرۆک کۆمارێ تورکیا پشتی ١٣ سالان ب
سەرەدانەکێ گەهشتە بەغدا، نڤیسینگەها ڕاگەهاندنا سەرۆک وەزیرێن عێراقێ ژی دبێژیت،
"د سەردانەکێ دا دێ گۆتۆبێژێن دۆسەیێن ئاڤێ و ئابووری و ئاسایشێ و پرۆژەیێ
رێکا گەشەپیدانێ و چەند دۆسەیەکێن دی دهێنە کرن".
ئەڤرۆ
دووشەمبی، رەجەب تەیب ئەردۆغان سەرۆک کۆمارێ
تورکیا ب سەرەدانەکا فەرمی گەهشتە بەغدا و ژلایێ محەمەد شیاع سودانی سەرۆک وەزیرێن
عێراقێ ڤە پێشوازی لێ هاتە کرن.
نڤیسینگەها ڕاگەهاندنا محەمەد شیاع سودانی
سەرۆک وەزیرێن عێراقێ بەلاڤکر، د وێ سەردانێ دا گۆتۆبێژێن دوسەیێن ئاڤێ و ئابووری
و ئاسایشێ و پرۆژەیێن رێکا گەشەپێدانێ و پێشهاتێن رەوشا دەڤەرێ دێ هێنە کرن.
ئاماژە ب وێیەکێ ژیکر، چەند رێککەفتنێن
ستراتیجی دناڤبەرا هەردوو ئالیان دا د بیاڤێن ئابووری و بازرگانی و چەند بابەتێن
دی دناڤبەرا هەر دوو ولاتان دا دێ ئیمزا کەن.
ئەڤە ژی د دەمەکێدایە، دوهی ئێکشەمبی، هەکان
فیدان وەزیرێ دەرڤەیێ تورکیا ڕاگەهاند، د سەردانا سەرۆک کۆمارێ تورکیا دا بۆ
عێراقێ زێدەتری ٢٠ گرێبەستان دگەل عێراقێ ئیمزا دکەت د بیاڤێن ئەنەرژیێ و ئاسایش و
چاندنێ و ئاڤێ وساخلەمیێ و پەروەردێ دا.