PM:12:22:22/04/2024
1300 جار خوێندراوەتەوە
+
-
ژێدەرەکی ژ
وەزارەتا داراییا عێراقێ بۆ ئێن ئاڕ تی ڕاگەهاند، تا نها لیستا مووچەیێ مووچەخۆرێن
هەرێمێ نەگەهشتیە دەستێ مە.
نووچەگەهانێ ئێن ئاڕ تی ل بەغدا ل زارێ
ژێدەرەکێ ژ وەزارەتا داراییا عێراقێ بەحسا وێیەکێ کر، بڕیار بوو دوهی لیستا
مووچەیێ مووچەخۆرێن هەرێمێ بگەهیتە دەستێ وەزارەتا داراییا عێراقێ، لێ هێشتا ئەو
لیستە نەگەهشتیە وەزارەتا داراییا عێراقێ.
وی ژێدەرێ ژ وەزارەتا
دارایی بەحسا وێیەکێ کریە، ئەگەر چ ئاریشە نەبن د هویربینیا وێ لیستێ دا د هەمان
رۆژ دا دێ پارەی بۆ هەرێمێ هنێرن.
ئەو یەکژی بەرچاڤکر، ژلایێ وەزیرا داراییا
عێراقێ ب نڤیسار داخاز ژ هەرێمێ کریە زانیاریێن مووچەخۆران بدەتە عێراقێ بۆ بابەتێ
ب نیشتیمانیکرنا مووچەی و دروستکرنا هژمارا بەنکی لێ هەرێمێ هێشتا ئەو زانیاری ژی
بۆ بەغدا نە هنارتیە.
ئەڤە ژی د دەمەکێدایە، هەیاما زێدەتری
حەفتیەکێ یە وەزارەتا داراییا عێراقێ چاڤەرێ هەرێمێ یە لیستا مووچەیێ مەها نیسانێ
بۆ بهنێریت، لێ هەرێمێ ئەو لیستە بۆ نە هنارتیە.
گۆران عەبدولا
- بەغدا