PM:07:11:20/04/2024
100 جار خوێندراوەتەوە
+
-
وەزیرێ بازرگانیا تورکیا راگەهاند، ئێک ژ مەرەمێن سەرەدانا سەرۆک کۆمارێ تورکیا بۆ بەغدا، گۆتووبێژکرنە دەربارێ ڤەکرنا دەرازینکا نوی
دناڤبەرا هەردوو ولاتێن عێراق و تورکیا. هەروەسا بالیۆزێ عێراقێ ل تورکیا بەحسا
وێیەکێ ژیکر، رێککەفتنەک دناڤبەرا هەردوو ولاتان دا دهێتە واژۆکرن کو تایبەتە ب
پرسا هناردەکرنا پەترۆلا هەرێمێ.
ئەڤڕۆ
شەمبی، عومەری بۆلات وەزیرێ بازرگانیا تورکیا راگەهاند، عێراق هەرگاڤ ئێک بوویە ژ
گرنگرین ولاتان بۆ تورکیا د بیاڤێ پەیوەندیێن ئابووری و بازارگانی.
ئاماژە ب وێیەکێ ژیکر، قەبارەیێ هەڤگۆڕینا بازرگانی
دناڤبەرا تورکیا و عێراقێ دا ل سالا ٢٠٢٢ـێ دا گەهشتیە ٢٤ ملیار و ٢٠٠ ملیۆن
دۆلاران هەروەسا سالا بووری ژی قەبارەیێ هەڤگۆڕینا بازرگانی ناڤبەرا هەردوو ولاتان
١٩ ملیار و ٩٠٠ ملیۆن دۆلاران دابوویە.
ئەو یەکژی بەرچاڤکر، ئێک ژ مەرەمێن سەرەدانا رەجەب
تەیب ئەردۆغان سەرۆک کۆمارێ تورکیا بۆ بەغدا، گۆتووبێژکرنە دەربارێ ڤەکرنا
دەرازینکەکا نوی یا نێڤدەولەتی دناڤبەرا تورکیا و عێراقێ دا.
ژلایێ خۆڤە، ماجید لجماوی بالیۆزێ عێراقێ ل ئەنقەرە
راگەهاند، سەرەدانا ئەردۆغان دێ بیتە سەدەما چارەسەرکرنا ئاریشەیێ ناڤبەرا هەردوو
ولاتان.
گوت ژی، د سەرەدانا سەرۆک کۆمارێ تورکیا دا، رێککەفتنەکا
ستراتیژی دهێتە واژۆکرن کو تایبەتە ب بیاڤێن ئابووری و ئەمنی و گەشەپێدان و ئاو و
ئەنەرژیێ، هەروەسا دەستپێکرنا هناردەیا پەترۆلا هەرێمێ.