PM:05:11:20/04/2024
68 جار خوێندراوەتەوە
+
-
سەرۆک وەزیرێن عێراقێ پشتی تەمام بوونا سەرەدانا فەرمی
بۆ واشنتۆن لسەر بانگهێشتا سەرۆکێ ئەمریکا دێ ڤەگەڕێتە بەغدا.
ئەڤڕۆ شەمبی،
نڤیسینگەها سەرۆک وەزیرێن عێراقێ راگەهاند، محەممەد شیاع سودانی سەرۆک وەزیرێن
عێراقێ پشتی سەرەدانا فەرمی بۆ واشنتۆن کو لسەر بانگهێشتا جۆ بایدن سەرۆکێ ئەمریکا
ئەنجام دابوو دێ ڤەگەڕێتە بەغدایا پایتەخت.
د دەما سەرەدانێ دا، سودانی دگەل هەر ئیك ژ سەرۆکێ
ئەمریکا و وەزیرێ بەڕەڤانی و دەرڤەیا وی ولاتی و چەندین بەرپرسێن دی یێن واشنتۆن
جڤیا و پرسێن ئابووری و ئەنەرژیا عێراقێ ئێک بوون ژ تەوەرێن سەرەکی دگەل بابەتێ
دۆلاری و لادانا سزایێن سەر بەنکێن عێراقێ و ئەرکێ هەڤپەیمانان ل عێراقێ.
هەڤدەم، بۆ زێدەتر بەرەڤ پێشبرنا پەیوەندیێن ناڤبەرا
ئەمریکا و عێراقێ، ب سەرپەرشتیا راستەوخۆ یا سودانی، شاندا عێراقێ ١٩ گرێبەست دگەل
کۆمپانیایێن ئەمریکا د بیاڤێن دارایی و ئابووری و ئەنەرژیێ و ساخلەمیێ واژۆ کرن.
د بەشيکا سەرەدانێ دا سودانی جڤینەکا راستەوخۆ دگەل
سەرۆکێ ئەمریکا ئەنجام دا و تێدا ئاماژە ب وێیەکێ کر، عێراقێ دڤێت دگەل ئەمریکا
پەیوەندیەکا بەرفرەهـ هەبیت و هەمی بیاڤان ژ خۆ بگریت.
ژ لایێ خۆڤە، جۆ بایدن سەرۆکێ ئەمریکا راگەهاند، پەیوەدیێن
وان دگەل عێراقێ تایبەت و گرنگن و چەندین سالان پێکڤە شەڕێ تیرۆرێ کریە و بسەر
گرووپێن چەکدار دا سەرکەفتینە و ئەڤ پەیوەندیە ژی د رێککەفتنێن ستراتیجی دا دێ
بەرچاڤ هێنە وەرگرتن.
ژ لایەکێ دیڤە، یەحیا ڕەسول پەیڤدارێ هێزێن چەکدارێن عێراقێ
راگەهاند، شاندا عێراقێ گرێبەستەک ب بهایێ ٥٠٠ ملیۆن دۆلاران دگەل وەزارەتا بەڕەڤانیا
ئەمریکا واژۆکریە بۆ بەرەڤ پێشبرنا شیانێن هێزین ئەولەهیێن عێراقێ.