PM:09:15:18/04/2024
592 جار خوێندراوەتەوە
+
-
ژێدەرەکێ ژ وەزارەتا داراییا حکومەتا رێڤەبرنا کاران بۆ ئێن ئاڕ تی
ڕاگەهاند، بەرهەڤکرنا لیستا مووچەیێ مەها پێنج ب پلە بلندکرن ڤە بەردەوامە ب
ئاوایەکێ لیستا چەندین وەزارەتان تەمام کرینە، دبێژیت ژی، "پلە بلندکرنا
فەرمانبەران پارەیێ مووچەی زێدە دکەت".
ئەڤرۆ پێنجشەمبی، ژێدەرەکێ ژ وەزارەتا داراییا حکومەتا رێڤەبرنا
کاران بۆ ئێن ئاڕ تی ڕاگەهاند، دگەل پلە بلندکرنێ پیدڤی دەستکاریا چەوانیا مووچەی
بکەن و دگەل سیستەمێ دابەشکرنا مووچەیێ عێراقێ رێک بئێخن تا کو ئاریشەیا ئیداری و
کارگێری بۆ وان دروست نەبیت ل دەمێ هنارتنا لیستا مووچەی دا.
ئاماژە ب وێیەکێ ژیکر، ب سەدەمێ هەمی وان پلە بلندکرنا کو ل سالا ٢٠١٥ـێڤە
هاتینە ڕاگرتن، پارەیێ مووچەی ژ ٩٤٩ ملیاران بۆ نێزیکی ئێک ترلیۆن و ٥٠ ملیار
دیناران دێ زێدە کەت.
گوت ژی، "لیستا مەها پێنج ب پلە بلندکرن ڤە دێ هنێرنە بەغدا و زۆرترین
فەرمانبەران ژی دوو پلەبلندکرن ڤەدگریت و بەشەکێ ژی سێ پلە بلندکرن هەنە".
ئەڤە ژی د دەمەکێدایە، ژێدەرەکی ژ وەزارەتا
داراییا حکومەتا رێڤەبرنا کاران بۆ دیجیتال میدیایا ئێن ئاڕ تی ڕاگەهاند، داخاز ژ هەمی وزارەتان کریە لیستا مووچەیێ مەها پێنج ب
پلە بلندکرن بەرهەڤ بکەن، د نها دا بەشەکا وەزارەتان ئەو هایدار کرینە کو لیستا
مووچەیێ مەها پێنج ب پلە بلندکرن یا بەرهەڤە لێ تا نها رادەستی وەزارەتا دارایی نەهاتیەکرن.
گوت ژی، "ئەو وەزارەتێن کو ماینە هاتینە هایدارکرن
کو کارێن خۆ بلەزتر بکەن هەیا تا رۆژا ١ـی مەها بهێت لیستا مووچەی ب پلە بلندکرن یێ
بەرهەڤ بیت".
هێرش قادر- هەولێر