PM:03:51:29/03/2024
820 جار خوێندراوەتەوە
+
-
بەشەکا خەلکی ل دەمێ فتارێ و خارنا نانێ ئێڤاری رێژەیەکا زۆر یا ڤەخارێنی
گازی ڤەدخۆن، پسپۆڕ دبێژن هەرچەند ڤەخەرنا ڤەخارنێن گازی یا خرابە لێ ب ئێک جاری
نابنە سەدەما ژ کارکەفتنا گولچیسکان بەلکو زیانێ ب هەمی لەشی دگەهینن.
مالپەڕێ جەزیرە د بابەتەکێ
تەندروستی دا نڤیسیە، دەمێ فتار و خارنا نانێ ئێڤاری نابیت ڤەخارنێن گازی و
شەربەتێن هاتینە رەنگ کرن بهێنە ڤەخارن، ژبەرکو لەش ب درێژاهیا رۆژێ چ ڤەخارن
نەوەرگرتینە گولچیسک هشکبووینە، د نشکەکێڤە وان ڤەخارنان ڤەخۆن دێ زیانێ ب گولچیسک
و هەمی ئەندامێن لەشی گەهینیت.
دەربارێ پەیوەندیا ناڤبەرا ڤەخارنێن گازی و ژ کارکەفتنا گولچیسکان، پسپۆڕێن
خارنێ ئاماژێ ب وێیەکێ دکەن ڤەخارنێن گازی دەمێ فتار و خارنا نانێ ئێڤاری ونابنە
سەدەما ژ کارئێخستنا گولچیسکان لێ وەکو هەر ئەندامەکێ دی یێ لەشی دێ زیان
بەرکەڤیت.
پسپۆڕ دبێژن، ژ جهێ وان ڤەخارنان ئاڤێ یان هنگڤینی یان فێقیێن هشک کری وەکو
هژیر و مێوژ یان شەربەتا فرێش ڤەخۆ.
ب گشتی زیانێن ڤەخارنێن گازی بۆ لەشی:
ئێکەم: هەستکرن ب برسیەتیێ
دووەم: کۆمبوونا چەوری د لەشی دا.
سێیەم: زێدەبوونا کێشا لەشی.
چارەم: لاوازبوونا تۆڤێ زەلامان.
پێنجەم: زێدەبوونا ئەگەرێ مرنا بەری دەم.
شەشەم: زیان گەهاندن ب ددانان.
حەفتەم: زێدەبوونا مەترسیا جەلتەیا مێشکی.