PM:11:49:05/10/2021
2048 جار خوێندراوەتەوە
+
-
هەمی حەس دکەن دەمێ دچنە سەر جهێن خۆ زووی دخەو بچن و دەما کو ئەڤە ژی رووینەدەت هەست پێ دکەن کو وان ئاریشەیەک هەیە،
لێ د ڕاستیێ دا ب وی ئاوای نینە، ژبەرکو کەسەکێ ئاسایی نێزیکی ١٥ خۆلەکان دڤێت
هەیا دخەوبچیت.
د بابەتەکێ رۆپەلا "سی ئێن ئێن"، رۆبیکا
رۆبێنز پسپۆر و ماموستا ل کۆلیژا نوژداریا زانکۆیا هارڤارد گوت، "کەسێ ئارامم
ئێکسەر دخەو نەچیت، کەسەک ساخلەمیا وی یا باش بیت پێتڤی ب ١٥ خۆلەکایە هەیا ب
تەمامی دخەەو بچیت".
ئەو پسپۆرە چەند پێشنیارەکان دکەت بۆ وان
کەسێن ب ساناهی دخەوناچن، ئەو ژی:
- ژوورا نڤستنێ بتنێ بلا بۆ چەند تشتێن
تایبەت بیت و سەر سیستەمێ تە بتنێ بلا بۆ نڤستنێ بیت، لسەر جهێ نڤستنێ مۆبایلێ
بکار نەئینە و تەلەڤزیۆنێ نەبە ژوورا نڤستنێ.
- رووتینەکا جیگر بۆ خۆ دانە و هەمی شەڤان دووبارە
بکە هەیا مێشکێ تە لسەر فێر دبیت.
- بشەڤێ ل دەما نڤستنێ هزرکرنێ کێم بکە و خۆ
ژ سترێس و دوو دلیێ دویر بێخە.
- هەناسەیەکا کویر هەلمێژە و بەردە هەیا
بتەمامی ئارام دبی.
- پلا گەرمێ یا ژوورا خۆ ژ ١٥ بۆ ٢٠ پلەیێن
سیلیزی جێگر بکە، ئەڤە هەڤکاریەکا باشە بۆ دخەو چوونێ.
- ئەگەر هەتا ٢٠ خۆلەکان دخەو نەچووی، ژ جهێ
خۆ ڕابە و هەرە ژوورەکا دی کو رووناهیا وێ کێم بیت و خۆ ب تشتەکێ ڤە مژیل بکە کو
تە ئارام بکەت و پاشی هەرە ژوورا خۆ یا نڤستنێ.