AM:11:14:24/09/2021
1324 جار خوێندراوەتەوە
+
-
میدیایێن تورکیا بەلاڤکرنە، رەجەب تەیب
ئەردۆغان سەرۆکێ تورکیا تۆڕەبوونا خۆ دیارکریە لسەر هەڤکاریکرنا کوردێن سوریا ژ
ئالیێ سەرۆکێ ئەمریکا ڤە و دبێژیت، بێ بەرسڤ ڕاناوەستین، بەحس ل خرابیا پەیوەندیێن
دناڤبەرا خۆ دا دکەت و ڕاگەهاندیە، "هیڤی خاستنە پەیوەندی دناڤبەرا وان دا
دوستایەتی بیت نەک دوژمنایەتی".
ئەردۆغان د دەما جڤینەکا گشتیا نەتەوەیێن
هەڤگرتی دا ل باژێرێ نیویۆرک ڕاگەهاند، "ئەنقەرە ب ئاوایەکێ باش دگەل جۆرج
بوشێ کور و باراک ئۆباما و دۆنالد ترەمپ کریە، لێ نەشێم بێژم دەستپێکا کارێ مە
دگەل جۆبایدن، سەرۆکێ نهایێ ئەمریکا باش بوویە".
ئەردۆغان دبێژیت، "ب ڕاستگویانە
هەلسوکەوت کرینە و هەلسوکەوتێن وان
لهەمبەر واشنتۆن نەهاتینە گوهۆرین، لێ بایدن ب وی ئاوای هەلسوکەوتێ ناکەت".
دەربارەی ئەفغانستانێ ئەرۆدغان بەحسا وێیەکێ
کر، "پێتڤیە ئەمریکا باجا وی کاری بدەت، کو پێلەکا زۆرا کۆچبەرێن ئەفغانستانێ
دەستپێکریە و تورکیا دەرگەهێ خۆ لهەمبەر وان کۆچبەران ڤەناکەت".
ئەڤە د دەمەکێ دایە، ژ دەستپێکا
دەستبکاربوونا سەرۆکێ نهایێ ئەمریکا وەرە، هەژمارەکا شارەزایان وەسا دبینن
سیاسەتێن بایدنی وەسا دیاردبن د بەرژەوەندیا کوردسان دا بیت و واشنتن و ئەنقەرە
ئالوزی د پەیوەندیێن وان دا بوویە، هەڤدەم سەرۆکێ نویێ ئەمریکا بەریا نها و ل دەما
بانگەشەیا هەلبژارتنان دژایەتیا خۆ بۆ سیاسەتا دەرڤەیا تورکیا دیارکربوو.