سەرنووچە:

میدیایێن پەکەکێ رەتدکەن بکوژێ شوکری سەرحەدی هاتبیتە دەستەسەرکرن

PM:03:51:18/09/2021

656 جار خوێندراوەتەوە

+ -

میدیایێن پەکەکێ ڕاگەهاند، "هێشتا بکوژێ شوکری سەرحەدی نەهاتیە دەستەسەرکرن کو دوهی ل سلێمانیێ هاتیە تیرۆرکرن".

ئەڤرۆ شەمبی، ددەمەکیدا ئاسایشا سلێمانیێ ڕاگەهاندنەک لسەر دەستەسەرکرنا بکەرێ هێرشا رۆژێن ١٦ و ١٧ یێن ڤێ مەهێ ل سلێمانیێ ڕاگەهاند، رۆپەلێ "رۆژنیوز" یێ نێزیک ژ پارتا کارکەرێن کوردستانێ (پەکەکە) ئاماژە ب وێیەکێ کر "هێشتا بکوژێ شوکری سەرحەد نەهاتینە دەستەسەرکرن".

لدویف رۆپەلی ئەو کەسێ هاتیە دەستەسەرکرن و د ڕاگەهاندنا ئاسایشا سلێمانیێ دا وێنەیێ وی هاتیە بەلاڤکرن ئەو کەسەیە، یێ هێرش کریە سەر فەرهاد باریش کو ل ١٦ ڤێ مەهێ هاتیە ئارمانجکرن و بریندارکرن.

رۆپەلی ژ زارێ چەند ژێدەران ئەشکەرا کریە کو هێرشکارێن سەر شوکری سەرحەدی ب تنێ کەسەک نینە و "هژمارەیەکا کەسانە و ب پلان ئەو کارە کریە".

تەکەز ژی کر، "لدویف زانیاریان، ئەو هێرشا کریە سەر شوکری سەرحەد، چار کەسن و ئێک ژ وانا تەقەکریە، ئەوێن دی ژی لوان دەوروبەران بوون و پشتی هێرشێ، ب ترۆمبێلەکێ ژ جورێ پیکئاپ- تویوتا، رەڤینە".

دوهی ئەینیێ (یاسین بولوت) یێ ناڤدار ب شوکری سەرحەد، ئەندامێ کۆمیتەیا مالباتێن شەهیدێن پەکەکە ل باشورێ کوردستانێ ل باژێرێ سلێمانیێ هاتە تیرۆرکرن و وی کاری ژی کارڤەدانێن زێدە یێن ناڤخۆیی دروستکرن.

گەلەری