PM:04:43:20/04/2024
992 جار خوێندراوەتەوە
+
-
دگەل هەڤالێ خۆ یاریا کلاڤانێ دکر، یاری تەمام بوو و
هەڤالێ وی دەمانچە پاقژ دکر، لێ ژ نشکەکێ ڤە گولـلەیەک ژ دەمانچێ دەرکەفت و بوویە
سەدەما ژیان ژ دەستدانا وی. قائیمقامێ چەمچەمال راگەهاند، چ ئاریشە دناڤبەرا واندا
نەبوویە.
شەڤا پێنجشەمبی
لسەر ئەینی، دوو هەڤالان وەکو هەردەم پێکڤە یاریا کلاڤانێ دکر، یاری تەمام بوو ئێک
ژ وان دەست ب پاقژ کرنا دەمانچێ کر.
ژ نشکەکێ ڤە گوللـەیەک ژ دەمانچێ دەرکەفت و بوویە سەدەما
ژیان ژ دەستدانا 'ئارام عومەر' کو ژیێ وی ١٩ سال بوو. بوویەر ل تاخێ ئاسوودەیا
چەمچەمال رویدایە.
قائیمقامێ چەمچەمال راگەهاند، د نهادا هەڤالێ ئارام ب
ماددێ ٤٠٥ ژ یاسایا سزادانا عێراقێ هاتیە دەستەسەرکرن.
بەحسا وێیەکێ ژیکر، لدیڤ زانیاریان بوویەر ب شاشی رویدایە
و چ ئاریشە دناڤبەرا وان دوو هەڤالان دا نەبوویە.