PM:04:35:28/03/2024
1620 جار خوێندراوەتەوە
+
-
بەنکا ناڤەندی راگەهاند، ژ لایێ بەنکان و هژمارەکا زۆرا گەشتیاران
داخاز بۆ کڕینا زێدەتری ٢٥١ ملیۆن دۆلاران ب بهایێ فەرمی هاتیە پێشکێشکرن. د نهادا
ل بازارێن هەرێمێ١٠٠ دۆلار ب ١٤٦ هزار و ٩٠٠ دیناران بازار پێ دهێتە کرن.
ئەڤڕۆ پێنجشەمبی، بەنکا ناڤەندی ب رێکا سەکۆیا
ئەلیکترۆنی یا ئێخستنە بازارێ دۆلاری راگەهاند، ژ لایێ حەفت بەنکێن عێراقێ بۆ مامەلەیێن
گەشتیاری و بازرگانی داخاز بۆ کڕینا ٢٥١ ملیۆن و ٧٢٤ هزار و ٢٣١ دۆلاران ب بهایێ
فەرمی هاتیە پێشکێشکرن.
ئاماژە ب وێیەکێ ژیکر، ژ وێ ڕێژەیێ ب تێکڕا ژ لایێ دوو هزار و ١٧٦
گەشتیاران ب رێژەیا شەش ملیۆن و ٥٣٠ هزار دۆلارن ب بهایێ فەرمی یێ بەنکا ناڤەندی
١٣٢٠ دینار بۆ هەر دۆلارەکی هاتیە کڕین.
ئەو یەکژی بەرچاڤکر، بۆ رێکگرتنێ ژ زڤڕاندنا بازرگانێن ناڤخۆ و
ناڤدەولەتی بۆ بازارێن عێراقێ ب رێژەیا ٢٤٥ ملیۆن و ١٩٤ هزار و ٢٣١ دۆلاران ب بهایێ
فەرمی و سیستەمێ بەنکێ بۆ بازرگانان هاتیە دابینکرن و ئەڤەژی ب بلندترین ئاستێ
فرۆتنا حەوالەی دهێتە دانان بۆ دەما چار سالێن بووری دا.
سەدەمەکا دی یا بلندبوونا بهایێ دیناری هەڤبەری
دۆلاری؛
ئەندامەکێ شاندا عێراقێ کو بۆ پرسا دۆلاری و ئابووری و چەند پرسەکێن
دی سەرەدانا واشنتۆن کریە بۆ ئێن ئاڕ تی راگەهاند، د جڤینا دگەل وەزارەتا گەنجینەیا
ئەمریکا لسەر پاکتاوکرنا قەرێن بەنکێن ئەهلی و حکومی یێن عێراقێ گەهشتینە
لێکتێگەهشتنێ.
ئەڤە د دەمەکی دایە، سەرەدانا سەرۆک وەزیرێن عێراقێ بوویە سەدما
گۆهڕینا بازاری، جارەکا دی بهایی دۆلاری هاتە خار و ١٠٠ دۆلار ب ١٤٦ هزار و ٩٠٠
دیناران بازار پێ دهێتە کرن، بەرپرسێن عێراقێ دبێژین، بۆ بنەجهکرنا بهایێ دۆلاری،
هەمی مامەلەیێن دۆلاری دێ گۆهڕن بۆ دیناری.