پشتی دوو حەفتیان ژ دەستبسەردا گرتنا پارەیێ بەغدا ژلایێ
حکومەتا رێڤەبرنا کارێن هەرێمێ، ژێدەرەکی ژ وەزارەتا دارایی بۆ دیجیتال میدیایا
ئێن ئاڕ تی ڕاگەهاند، رۆژا ئێکشەمبی دێ دەست ب دابەشکرنا مووچەی هێتە کرن، دبێژیت
ژی، "لیستا مووچەی دێ وەک مەهێن دەربازبووی بیت".
ئەڤرۆ پێنجشەمبی، پشتی دەربازبوونا دوو حەفتیان بسەر
دەستبسەردا گرتنا مووچەیێ مەها شوباتێ ژلایێ حکومەتا رێڤەبرنا کاران ڤە، ژێدەرەکی
ژ وەزارەتا دارایی ئاماژە ب وێیەکێ کر، کۆژمێ ٦١٢ ملیار دیناران ل لقا بەنکا
ناڤەندیا هەولێرێ هاتینە ڤەگۆهاستن بۆ وەزارەتا دارایی و حکومەتا رێڤەبرنا کاران و
بڕیارە رۆژا ئێکشەمبی ٣١ـی ئازارێ دەست ب دابەشکرنا مووچەیێ مەها شوباتێ یێ
مووچەخۆرێن هەرێمێ بهێتە کرن.
هەڤدەم لدیڤ زانیاریان، رۆژا ٣١ـی ئازارێ وەکی ئێکەم
وەزارەت دێ دەست ب دابەشکرنا مووچەیێ وەزارەتا ساخلەمیێ و یەکەیێن ٧٠ و ٨٠ و
وەزارەتا دارایی و ئابووری هێتە کرن.
رۆژا دووشەمبی ١ـی نیسانێ، مووچەیێ وەزارەتا ناڤخۆ و
کەسوکارێن شەهیدان و ئەنفالکریان دێ هێتە دابەشکرن و وەک سێیەم وەزارەت ژی
وەزارەتا پەروەردێ دێ مووچەیێن خۆ ل رۆژا سێشەمبیێ ٢ـی نیسانێ وەرگرن.
لدیف زانیاریان، مووچەیێ هەر ئێک ژ وەزارەتێن کارەبێ و
خاندنا بلند و سەرۆکایەتیا هەرێمێ و خانەنشینان ل داویا لیستا دابەشکرنا مووچەی
دبن.
ئەڤە ژی د دەمەکێدایە، هەیاما حەفتیەکێ یە بەغدا پارەیێ
مووچەیێ مەها شوباتێ رەوانە کریە، لێ ژلایێ مەسرور بارزانی سەروکێ حکومەتا
رێڤەبەرنا کاران و قەباد تالەبانی جێگرێ وی و ب رازەمەندیا هەمی وەزیران دەست بسەر
وی پارەی دا هاتبوو گرتن.
هێرش قادر- هەولێر