PM:07:56:27/03/2024
7024 جار خوێندراوەتەوە
+
-
پشتی دوو حەفتیان ژ دەست بسەرداگرتنا پارەی،
حکومەتا ڕیڤەبرنا کارێن هەرێمێ راگەهاند، دێ دەست ب دابەشکرنا مووچەی کەن.
ژێدەرەکی ژ وەزارەتا داراییا حکومەتا رێڤەبرنا کارێن هەرێمێ بۆ ئێن ئار تی راگەهاند،
تا نها پارەیێ مووچەی ب وەزارەتا دارایی نەهاتیە دان، ژبەر ڤێ یەکێ لیستا مووچەی
نەهاتیە بەلاڤکرن.
ئەڤڕۆ چارشەمبی،ژێدەرەکی ژ وەزارەتا داراییا حکومەتا
رێڤەبرنا کارێن هەرێمێ بۆ ئێن ئاڕ تی راگەهاند، تانها حکومەتا رێڤەبرنا کاران پارە
بۆ وەزارەتا دارایی نەهنارتیە.
ئاماژە ب وێیەکێ ژیکر، حکومەتا رێڤەبرنا
کاران تنێ ئەو هایدار کرینە کو لیستێ بەلاڤبکەن، لێ حکومەتا رێڤەبرنا کاران ئەو
پارەیێ ژ بەغدا هاتێ بۆ مووچەی زێدەتری دوو حەفتیانە دەست بسەرداگرتیە، تا نها
نەهنارتیە بۆ وەزارەتا دارایی تا مووچەی دابەش بکەن.
ئەو یەکژی بەرچاڤکر، تا پارەیێ مووچەی
نەگەهیتە بەنکان، لیستا موچەی ناهێتە بەلاڤکرن.
ئەڤە د دەمەکی دایە، دەما زێدەتری دوو
حەفتیانە بەغدا پارە بۆ مووچەیێ مەها شوباتێ بۆ هەرێمی هنارتیە، لێ ژ لایێ مەسرور
بارزانی سەرۆکێ حکومەتا رێڤەبرنا کاران و قوباد تالەبانی جێگرێ وی و هەمی وەزیران
دەست بسەر پارەی دا هاتیە گرتن و تا نها ئەو پارە ب وەزارەتا دارایی نەهاتیە دان ب
مەرەما دابەشکرنا مووچەی.