شێوازی بەکارهێنانی برنج بۆ درێژبوونەوەی قژ

PM:02:33:11/10/2021

10788 جار خوێندراوەتەوە

برنج جگە لەوەی بە خۆراکێکی سەرەکی خوانی زۆربەی خێزانەکان دادەنرێت، لەگەڵیدا بۆ قژیش سوودی هەیە و گرفتەکانی ناهێڵێت و زوو درێژی دەکاتەوە.

ماڵپەڕی برایتساید لە بابەتێکدا ئاماژەی بە چۆنییەتی بەکارهێنانی برنج کردووە بۆ درێژبوونەوەی قژ، ئەویش لە ڕێگەی وەرگرتن و جیاکردنەوەی ئاوی برنجەکە، چونکە چەندین ماددەی خۆراکی گرنگی تێدایە و یارمەتی بەهێزبوونی ڕەگی قژەکە دەدات و سوڕی خوێن لە سەردا چالاک دەکات.

شێوازی ئامادەکردنەکەی:

کوپێک برنج بخرێتە کەمێک ئاوەوە

بۆ ماوەی دوو کاتژمێر وازیلێبهێنرێت.

دواتر ئاوەکە لە برنجەکە جیابکرێتەوە و بخرێتە بتڵێکی شوشەوە.

شێوازی بەکارهێنانەکەی:

سەرەتا قژەکە بە شامپۆ و ئاو بشۆرێت.

دواتر ئاوی برنجەکە بدرێت لە تەواوی قژەکە.

بۆماوەی ١٠ خولەک بە پەنجە مەساج بە قژ و بنبێخی سەر بکرێت.

بۆ ماوەی دووکاتژمێر ئاوی برنجەکە بە قژەکەوە بمێنێتەوە.

لە کۆتاییدا بە ئاوی ئاسایی قژەکە بشۆرێت

هەفتەی دووجار ئەم ڕێگە بەکاربهێنرێت، یارمەتیدەر دەبێت لە زوو درێژبوونەوە و بەهێزبوونی قژدا.