PM:02:04:11/01/2026
644 جار خوێندراوەتەوە
کەشناسی دەڵێت، لە ئێوارەی سبەی دووشەممەوە شەپۆلێكی بەفر و بارانبارین روو لە تەواوی ناوچەكانی هەرێمی كوردستان دەكات و لە سەنتەری پارێزگاکانی سلێمانی، هەڵەبجە و دهۆک ئەگەری بەفری هەیە، هەروەها پلەکانی گەرما نزم دەبێتەوە.
ئەمڕۆ یەکشەممە ١١ـی کانونی دووەمی ٢٠٢٦، بهڕێوهبهرایهتی كهشناسی و بومهلهرزهزانی ههرێم وتی، ئێوارەی رۆژی دووشەممە کاریگەری شەپۆلێكی بەفر و بارانبارین دەستپێدەکات تا شەوی چوارشەممە و کاتەکانی بەیانی رۆژی پێنجشەممە کۆتایدێت.
وتیشی، شەپۆلێکی
بەفربارین کاریگەری دەبێت لەسەر شاخە بەرزەکان و ئەو ناوچانەی بەرزیان زیاترە لە
هەزار مەتر لە ئاستی رووی دەریا و لە ماوەی کاریگەری ئەم شەپۆلە سەنتەری پارێزگاکانی
سلێمانی، هەڵەبجە و دهۆک ئەگەری بەفربارین دەبێت لە رۆژی چوارشەممە.
ئاماژەی
بەوەشکرد، شێوازی دابارین نمە بارانی
بەردەوام دەبێت و هەندێ کات لێزمە باران دەبێت بە تایبەت سنوری زاخۆ و راپەڕین.
باسی لەوەشکرد،لەگەڵ بارانبارین هەندێكات هەورە تریشقەش
دەبێت و خێرای با لە رۆژی سێشەممە زیاد دەکات بۆ سەروی ٢٥ کم لە کاتژمێرێکدا،
پلەکانی گەرما لە رۆژی چوارشەممە زیاتر نزم دەبێتەوە.
