دەشڵێت، لوتکەی مانگگیرانەکە لە کاتژمێر ٩:١١ شەو دەبێت و پاشان، لە کاتژمێر ٩:٥٢ شەو کۆتایی بە مانگگیرانی تەواو دێت لە کۆتاییدا، لە کاتژمێر ١١:٥٥ شەو مانگگیرانەکە بە تەواوی کۆتایی دێت و مانگ بۆ باری ئاسایی خۆی دەگەڕێتەوە.

ئاماژەی بەوەشكرد، ئەم دیاردەیە لە زۆربەی کیشوەرەکانی ئاسیا، ئوسترالیا، ئەوروپا، ئەفریقا و زۆربەی زەریای هیندی بە روونی دەبینرێت، بەشێک لە ئەمریکای باکوور و باشوور، زەریای هێمن و ئەتڵەسی و جەمسەرەکانیش بەشێوەیەکی کەمتر دەیبینن.

ئەو شارەزایەی گەردوونناسی باسی لەوەشکرد، لە هەرێمی کوردستان، بەتایبەت لە شارەکانی سلێمانی، هەڵەبجە، کەرکوک، هەولێر و دهۆک، ئەم مانگگیرانە بە روونی و بە رەنگی سوور بۆ قاوەیی دەبینرێت.

باسی لەوەشكرد، کۆی گشتی ماوەی مانگگیران لە جیهاندا پێنج کاتژمێر و ٢٧ خولەکە و پێویست بە هیچ ئامێرێکی تایبەت ناکات و بەتەنها بە چاو دەبینرێت.

دەشڵێت، مانگگیرانی تەواو کاتێک روودەدات کە زەوی دەکەوێتە نێوان خۆر و مانگ و سێبەرەکەی بە تەواوی مانگ دادەپۆشێت، ئەم دیاردەیە ساڵانە چەند جارێک روودەدات، بەڵام ئەمجارەیان لە هەرێمی کوردستان دیاردەیەکی دەگمەنە و پێدەچێت تا چەند ساڵێکی تر دووبارە نەبێتەوە.

بەپێی سەرچاوەی فەرمی ناسا، مانگگیرانی هاوشێوەی سوور لە ٣١ـی کانوونی یەکەمی ٢٠٢٨ و ٢٠-٢١ـی کانوونی یەکەمی ٢٠٢٩ دووبارە دەبێتەوە.