سەرەڕای بەکرێگرتنی نیوەی شارێکی ئیتاڵیا، تێچووی ئاهەنگی هاوسەرگیری سێیەم دەوڵەمەندترین پیاوی جیهان ٥٦ ملیۆن دۆلار بووە و جلی بووکێنی هاوسەرەکەشی، نزیکەی ساڵ و نیوێک کاری لەسەر کراوە و تێچووەکەی نزیکەی ٢٠٠ بۆ ٣٥٠ هەزار دۆلار بووە.
ئەمڕۆ شەممە ٢٨ی حوزەیرانی ٢٠٢٥، میدیا جیهانییەکان وردەکاری ئاهەنگی هاوسەرگیرییەکەی جێف بێزۆس، ملیاردێر و خاوەنی ئەمەزۆنیان بڵاوکردەوە و باسیان لەوەکرد، بێجگە لە بە کرێگرتنی نیوەی شارێکی ئیتاڵیا، تێچووەکەی نزیکەی ٥٥ ملیۆن دۆلار بووە.
وتیشیان، جلی
بووکێنی هاوسەرەکەی جێف بێزۆس، لەلایەن براندی دۆڵچێ گابانا دیزاین کراوە و ماوەی
ساڵ و نیوێک کاری لەسەر کراوە، جگە لەوەش، پێشتر جلێکی دیکەی بۆ ئامادەکرابوو کە بە ١٧٥
هەزار کیستاڵ داپۆشراوە.
دەشڵێن، ئاهەنگەکە
لە دوورگەی مێژوویی و دوورەدەستی سان جۆرجیۆ لە ژێر رێوشوێنی ئەمنی توند
و بە ئامادەبوونی نزیکەی ٢٠٠ کەسایەتی بەناوبانگ بەڕێوەچوو، میوانەکان بە بەلەمی
تایبەت گواسترانەوە بۆ دوورگەکە و داوایان لێکرابوو کە هیچ وێنە و ڤیدیۆیەک لە سۆشیاڵ
میدیا بڵاونەکەنەوە.
باسیان لەوەشکرد،
بەپێی پێشبینییەکانی گەشتوگوزاری ڤێنسیا، ئاهەنگەکە لە ماوەی یەک هەفتەدا نزیکەی ٦٨٪ی
داهاتی ساڵانەی گەشتیاریی شارەکە پێکدەهێنێت.
ئاماژەیان
بەوەشکرد، دیارترین میوانەکان ئەمانە بوون: بیڵ گەیتس، ئۆپرا وینفری، ئیڤانکا
ترەمپ و جارید کوشنەرى هاوسەرى، ئەشەر، خێزانی کارداشیان و جێنەر، لیۆناردۆ
دیکاپریۆ، ئۆرلاندۆ بلووم، تۆم برەیدی، کارلی کلۆس.
جێف بێزۆس، لە
ئێستا سامانەکەى زیاتر لە ٢٣١ ملیار دۆلارە و لە ریزبەندییەکەدا سێیەمدەوڵەمەندترین کەسایەتى جیهانە.